Ұлттық бірыңғай тестілеудің уақыты кейінге шегеріле ме
Ұлттық бірыңғай тестілеу өзінің мерзімінде өткізіледі деп жоспарланған. ҚР Білім және ғылым вице-министрі Шолпан Каринова онлайн брифингіде осылай мәлім етті.
Брифинг барысында «карантин ұзарып жатса Ұлттық бірыңғай тестілеудің уақыты кейінге шегеріле ме?» деген сауал қойылды.
«Бұл суалды ата-аналар қойып отыр. Бүгінде бұл бағытта шешім қабылданған жоқ, әлі ертерек. Өйткені санитарлық-эпидемиологиялық жағдай қалай өзгеретіні әзірге беймәлім. Сондықтан жағдайға байланысты Білім және ғылым министрлігі толық ақпаратты беретін болады. Бүгінде Ұлттық бірыңғай тестілеу өзінің мерзімінде өткізіледі деп жоспарланған. Сәйкесінше, басқа өзгерістер енгізілмеді», — деді Ш. Каринова.
Сонымен қатар ол жоғары сынып оқушыларын аттестау мәселесіне де тоқталды.
«Қорытынды аттестауға қатысты, яғни 9-шы және 11-ші сынып оқушыларын аттестауға қатысты ата-аналар сұрап жатыр. Бұл тақырыпқа қатысты қосымша хабарлаймыз. Қазіргі негізгі мақсат — IV тоқсанды қашықтан оқыту», — деді вице-министр.
You Might Also Like
-
Баяғыда екі құрдас болған екен. Бірінің аты — Досбол, екіншісі — Ақмырза. Ауылдары аралас, қойлары қоралас дегендей көрші отырыпты. Досбол егін егеді екен. Бір жолы әдеттегіше егінді жи...
-
Бір күні Сақи Қойшыбайдың үйіне кіріп келсе, Қойшыбай үлкен күйеуі — Үкілі, кіші күйеуі — Жамбыл, немере інісі — Ауесхан, өз баласы — Мендібаймен қосылып, арақ ішіп отыр еке...
