InfoHub Logo

Математика
Сабақтың тақырыбы: Ұзындықты өлшеу. Миллиметр. Ұзындық бірліктерінің арақатынасы.
Сабақтың мақсаты:
1. Білімділік: ұзындық өлшем бірлігі - миллиметр (мм) бірлігін енгізу және оны басқа өлшем бірлігіне айналдыруды үйрету;
2. Дамытушылық: шығармашылық қиялын, жүйелі ойлау қабілетін дамыту.
3. Тәрбиелік: еңбектенуге, еңбекті бағалауға тәрбиелеу. Экологиялық тәрбие беру;
Сабақтың міндеті: меңгерген математикалық білімдерін нақтылы жағдайларға, практикалық есептерді шешуде қолдана білумен байланысты білік қалыптастыру Сабақтың түрі: аралас сабақ
Сабақтың көрнекілігі: слайд, сызғыш, суреттер

Сабақтың барысы:
I. Ұйымдастыру кезеңі
Есептеуге жүйрік болсаң жасыңнан,
Математикаға орын берсең басыңнан
Барлық ғылым саған үйір болады.
Досың солар табылатын қасыңнан

II. Үй тапсырмасын тексеру Ұзындығы – 5 см Ені -? 2 см - ге қысқа Р -? S -? Ені=5см – 2см=3см Р=(5см+3см)* 2=5см*2+3см*2=16см S=5см*3см=15см2
- Тік төртбұрыштың периметрін қалай есептейміз?
- Қабырғаларының ұзындықтарының қосамыз.
- Ауданды қалай есептейміз?
- Ұзындығын еніне көбейтеміз.
ә. – Тік төртбұрыштың периметрін есептегенде көбейтудің қандай қасиетін пайдаландық? (көбейтудің үлестірімділік қасиеті)
- Тік төртбұрыштың ауданын есептегенде көбейтудің қандай қасиетін пайдаланамыз?(ауыстырымдылық қасиеті)
- Көбейтудің ауыстырымдылық қасиеті қандай қасиет?
- Көбейтудің терімділік қасиеті деп қандай қасиетін айтамыз?
- Көбейтудің қосуға қатысты қандай үлестірімділік қасиетін білеміз?
Көбейтудің қасиеттерін қорытындылап кету.

III. Жаңа сабақ
Ойын «Не артық?»
Метр Сантиметр Километр Дециметр Минут
- Ұзындықтың бірліктері (минут артық)
- Ұзындықтың ең үлкен бірлігі (километр)
- Ең кіші бірлігі(сантиметр)
- Біз бүгін ұзындықтың ең кіші өлшем бірлігі – миллиметрмен танысамыз
Дәптермен жұмыс: Тақырыппен таныстыру
Қаңтардың он тоғызы
Сынып жұмысы
Ұзындықты өлшеу. Миллиметр. Ұзындықтың бірліктерінің арақатынасы
№1. 1см және 1дм кесінділер сызғызу
- сендер осы тапсырманы қандай құралдың көмегімен орындадыңдар? (сызғыш)
- 0 - ден – ге дейін неше бөлік? (10бөлік)
- 1 - ден 2 - ге дейін ше? (10бөлік)
- 2 - ден 3 - ке дейін ше? (10бөлік)
Бір кіші бөліктен екіншісіне дейінгі арақашықтықты миллиметр деп атайды.
Миллиметр (мм) – ұзындықтың сантиметрден кіші өлшем бірлігі.
Ұзындықты өлшеу. Миллиметр. Ұзындық бірліктерінің арақатынасы. жүктеу