InfoHub Logo

Joǵary kóterilip-túsetin ónertabys 1896 jyly Nú-Iorktegi «Konı-Aılend» saıabaǵynda týrıserdiń kóńilin kóterý úshin paıda boldy. Alǵashqyda ol ensiz juqa taqtaıshaly tegis rezeńke taspa túrinde bolǵan. Al búginde mıllıondaǵan adamdar kedir-budyr basqyshtary bar zamanaýı eskalatorlardy kúndelikti paıdalanady. Baspaldaqtyń mundaı kúrdeli syrtqy túri dızaınerlerdiń oılap tapqany emes, bul úlken mehanızmniń óte mańyzdy elementi.

Mundaı kúrdeli konfıgýrasıalardyń qandaı qyzmet atqaratynyna nazar aýdaryp kóreıik.

Eskalatordyń baspaldaqtary nelikten oıly-qyrly?

Qys jáne kúz aılarynda eskalatordyń basqyshtaryna ylǵal jınalyp qalady da, jolaýshylardyń taıǵanap, qulap qalýy aıtarlyqtaı artyp ketedi. Kólemdi tik jolaqtar dál osy nárseden qorǵaıdy: olar jolaýshynyń aıaq kıiminiń tabany men basqysh arasyndaǵy jabysýdy jaqsartady. Al jolaqtar arasyndaǵy oıyqtar ylǵaldy keri qaıtarý úshin qajet.

Elekrli baspaldaqqa keıde oramalar, qaptamalar jáne basqa da maıda qoqystar túsip ketedi. Eger basqyshtar tegis bolǵanda, onda onyń bári «taraqqa» (taspa joldyń sońynda túzý syzyqqa jınalady) ketip qalady. Sonyń kesirinen qozǵalys quraly belgili bir ýaqytqa deıin toqtap qalar edi.  Torly jabyndynyń arqasynda olaı bolmaıdy: barlyq iri qoqystar tósemniń syrtyna shyǵyp qalady.

Ustaǵyshtar nelikten basqyshtardan tezirek qozǵalady?

Ustaǵyshty aınaldyryp turatyn dıskiler ýaqyt óte kele jelinip, ustaǵyshtyń  jyldamdyǵy azaıa beredi. Bul eskalatorǵa jóndeý jumystary kerek degendi bildiredi.

Mundaı eleýsiz, biraq jaqsylap oılastyrylǵan bólshektersiz biz joǵaryǵa jıirek jaıaý kóteriler edik jáne elektrlik baspaldaqta taıǵanap keter edik. Biraq baqytymyzǵa oraı, eskalatorlardyń toqtap qalýy sırek oryn alady. Al odan ońaılyqpen taıǵanap, qulap ketpeısiz.

Derekkózi: adme.ru

---