InfoHub Logo

Bárimiz biletindeı, qarym-qatynas qoǵamda mańyzdy rol atqarady. Tehnologıa salasyndaǵy jetistikter zamanaýı ómirdegi adamdardyń qarym-qatynasyn birshama ózgertti. Biz qosymshalardyń iske qosylýy, shuǵyl aqparat jiberý úshin QR kod onlaın-generatoryn paıdalaný, telefondarymyzdaǵy karta navıgasıasy, mıkroblogtar, tvıtter men jedel sýretter qalypty sanalatyn kezeńde ómir súrip jatyrmyz. Tehnologıalyq álemdegi abyr-dabyrdyń ortasynda júrip betpe-bet júzdesýdiń qanshalyqty mańyzdy ekenin umytyp ketip jatamyz.

Denemiz de sóıleı alatynyn birimiz bilsek, birimiz bilmeımiz. Sizdiń deneńiz siz jaıly ne aıta alady? Al siz basqalar jaıly ne bile alasyz? Adammen sóılesip turǵanda alynatyn aqparat tómendegideı jiktelýi múmkin:
10% - adamnyń naqty ne aıtyp turǵany
40% - dybystyń ekpini men jyldamdyǵy
50% - dene tili.

Bas:
1. Basty salbyratyp turý ózine senimsizdikti bildirýi múmkin. Eger bireýdi maqtaǵanda ol basyn tómen túsirse, demek mundaı adam uıalshaq nemese jasqanshaq bolýy yqtımal.
2. Qulaǵyn sıpalaý nemese tartqylaý – bul ısharat senimsizdikti bildirýi múmkin.
3. Shynaıy kúlki adamnyń barlyq betine jaıylady (kózderden baıqaýǵa bolady).
4. Ótirik kúlki ádette tek erindi qozǵaıdy.
5. Adamnyń basyn bir jaqqa qısaıtýy birdeńege nemese bireýge qyzyǵýshylyǵyn bildirýi múmkin.
6. Basty shekten tys eńkeıte berý unatýdyń belgisi bolýy ábden yqtımal.
7. Kózdi jumý nemese keńsirikti shymshý – bul kóbine jaǵymsyz baǵalaýdyń belgisi.
8. Tyńdaýshy basyn ızep otyrsa, ádette bul onyń qyzyǵýshylyǵy bar ekeninen habardar beredi.
9. Alaıda shamadan tys bas ızeý – tyńdaýshynyń qyzyǵýshylyǵy joq, biraq dóreki kóringisi kelmeıtinin bildiredi. 
10. Eger sóılesý kezinde siz muryndy ýqalasańyz, bul sizdiń kúmándi ekenińizden nemese ıdeıadan bas tartqyńyz keletininen habar beredi.

Deneniń joǵarǵy bóligi:
1. Iyqtardy túzýleý kúsh pen batyldyqty kórsetýi múmkin.
2. Qushaqtaý – sóılesýge / baılanysta bolýǵa daıyn ekenin aıtady.
3. Qoldaryn aıqastyrý arqyly adam ózi men basqalar (nemese solardyń aınalasyndaǵylarmen) arasynda bógeý bar ekenin aıtqysy keledi, sonymen qatar narazylyqtyń belgisi.
4. Saýsaqty baǵyttap sóıleý agresıa nemese adýyndyq retinde qarastyrylýy múmkin.
5. Moıynǵa janasý arqyly basqanyń áńgimesin qyzyqtap turǵanyn jáne abyrjyǵanyn bildiredi.
6. Qoldardy joǵary jáne syrtqa qaraı qozǵaltý qarym-qatynastyń ashyq jáne pozıtıvtik sarynda ekenin bildiredi.
7. Adamdy ıterip turǵandaı, syrtqa qaraı baǵyttalǵan saýsaqtar belgisi toqtatqysy keletinin jáne jaqyndamaýdy suraıtynyn aıtady.
8. Eger saýsaqtar aıqasyp tursa nemese saýsaqtardyń ushy bir-birine tıip tursa, bul adamnyń oılanyp jáne baǵalap otyrǵanyn bildiredi.

Deneniń tómengi jaǵy:
1. Qoldaryńyzdy jambasyńyzǵa qoıý arqyly siz qulshynys pen daıyndyqty (al keıde agresıany) kórsete alasyz.
2. Jambasty alǵa shyǵaryp, al deneni artqa qaraı qaıyrý – kúshiniń bar ekenin kórsetkisi keledi.
3. Aıaqtar bir-birinen alshaqta ornalasqan bolsa – bılik pen basymdyqqa ıe ekenin kórsetý.
4. Adam aıaqtaryn aıqara ashyp otyrsa, demek ol osy ortada ózin qaýipsiz sezinedi degen sóz.
5. Aıqasqan aıaqtar aıaq bulshyq etteriniń qanshalyqty qataıyp turǵanyna baılanysty bosańdyq, yńǵaılylyq nemese qorǵaný ustanymyn bildiredi.
6. Ózine senimdi jáne qarymdy adamnyń tobyǵy ekinshi aıaǵynyń ústinde ornalasyp, ústińgi aıaǵy syrtqa qarap turady.
7. Eger aıaqtaryńyzdy aıqastyryp otyrsańyz, zerigip otyrǵanyńyzdy nemese shydamyńyz taýsylyp bara jatqanynan habar beredi.

Kózder:
1. Kózin tómenge túsirip tursa, bul qorqynysh, aıypty seziný nemese baǵyný sezimderinen habar berýi múmkin.
2. Qabaǵyn túsirip, kózin syǵyraıtý mán-jaıdy túsinýge tyrysý degendi bildiredi.
3. Kózdi jaltartý sóılesip turǵan adamǵa senimsiz ekenińizdi nemese túsinbeı turǵanyńyzdy bildirýi múmkin.
4. Jıi jypylyqtaý qobaljýdyń belgisi.
5. Eger siz bireýdiń kózine tike qarasańyz, ózińizge senimdilikti kórsetesiz.
6. Kózderin baqyraıtý birdeńege nemese adamǵa úlken qyzyǵýshylyqty bildiredi.
7. Eger áńgimelesý barysynda aıtylǵan synǵa narazy bolsańyz, siz kózińizdi lezde basqa jaqqa burasyz.
8. Birdeńeni esine túsirgisi keletin adam, ádette joǵary jáne oń jaǵyna qaraıdy.
9. Joǵary qaraý ıaǵnı birdeńeni oılaý.

Oqıǵalar shekarasy
Sizben mynadaı jaǵdaı boldy ma: bólmege qandaı da bir maqsatpen kiresiz (mysaly, birdeńeni alý úshin), al keıin ne úshin kelgenińizdi umytyp qalasyz? Jáne qaıta aınalyp kelmeıinshe esińizge túsire almaısyz. Sóıtse, mundaı bir sáttik esten adasýdyń sebebi esikte eken.
Notr-Dam (AQSH) Ýnıversıtetiniń psıhologtary anyqtaǵandaı, esik tesiginen ótkende sanamyzda «oqıǵalar shekarasy» mehanızmi iske qosylady. Sanamyz oılar jıyntyǵy men estelikterdi bir-birinen bólek qarastyrady – kıno epızodtary sıaqty. Sizdiń mıyńyz aldyńǵy bólmedegi oılaryńyzdy avtomatty túrde «arhıvke jiberedi» de, jańa áserlerge keńistikti tazartady. Mundaı «oqıǵalar shekarasy» bastapqyda bizdiń basymyzdaǵy aqparattardy retteý úshin paıda bolǵan, óıtkeni biz árdaıym qozǵalysta bolamyz jáne jańa tapsyrmalarǵa kirisip ketemiz. Al esten adasyp qalý – bar-joǵy janama áser. 

---