Merekelik quttyqtaýlar: Astana kúni, áriptesterge jáne 1 maýsymǵa tilek

Tamasha merekelerdiń biri – Astana kúnimen shyn júrekten quttyqtaımyz!

Biz Astananyń qalyptasýynyń kýágerleri jáne osy aýqymdy zor jobany
júzege asyrý múmkindigin kózben kórý baqytyna ıe bolyp kelemiz.

Óz qalasyna erekshe súıispenshilikpen qaraıtyn adamdar – elordasynyń
basty baılyǵy, olar kúnbe — kún óz jumystaryn atqara otyryp, Astananyń
qalyptasýyna orasan zor úles qosýda.

Astana kúni merekesinde sizderge jáne otbasylaryńyzǵa shyn júrekten zor
densaýlyq, ıgilik, tabys jáne baqyt tileımiz.

Búgin – Astana kúni. Jas elordanyń merekesi árbir astanalyqtyń júregine
qýanysh uıalatyp, erteńge degen senimdi shyndaı túsýde. Qaryshtap damyǵan
jańa Astananyń búgingi kelbetine súısinbeıtin jan joq.

Jas elordanyń kóz súrindirer kelisti kelbeti kún sanap jasaryp,
kórkeıip, gúldene túsýde. Ol jańasha qarqyn alǵan qurylysymen ǵana emes,
sońǵy tehnologıalar negizinde salynyp jatqan gúlzarlarymen, aleıalarymen
syrttan kelýshilerdiń nazaryna ilinip, sheteldikterdi tań qaldyrýda. Saıyn
Saryarqanyń tósinde totydaıyn taranǵan áz Astanamyz jyldar kele, alyp
Azıa men Eýropanyń shoqtyǵy bıik qalalarynyń birine aınalatynyna, aldaǵy
ǵasyr úlesinen oryn alyp, batyl úmitpen nyq senimniń tulǵaly tiregi
bolaryna senimdimiz.

Qazaqstannyń jas elordasy, búgingi Astana – qaryshtap damyǵan
memlekettiń, máńgilik dostyqtyń sımvoly. Qalanyń álem halyqtaryna
maqtana kórseter jetistikteri az emes. Astana — bolashaǵy jarqyn qala.

Sondyqtan da Qazaqstannyń júregi máńgi soǵyp, bas qalasy odan ári
gúldene bersin!

Táýelsiz Qazaqstannyń bas qalasy Astananyń áleýmettik — ekonomıkalyq
ósip — órkendeýine qosqan qomaqty úlesterińizge, eren eńbekterińizge,
azamattyq qoǵam qurýǵa belsene qatysqandaryńyzǵa, beıbitshilik pen
kelisimdi saqtaýǵa at salysqandaryńyzǵa alǵysymyzdy bildiremiz.

Sizderge baqytty da baıandy ómir, zor densaýlyq, qajymas qaırat, jemisti
eńbek, shańyraqtaryńyzǵa shattyq pen qýanysh, qut — bereke tileımin.

Súıikti qalamyz – arý Astana kórkeıe bersin!

«XXI ǵasyrdyń tabaldyryǵynda biz óz tańdaýymyz – kóne Saryarqanyń kıeli
aspany astynda qonys tepken jańa astanamyz týraly málimdeımiz. Bul
tańdaý astarynda elimizdiń qazirgi basshylyǵynyń aıqyndamasy ǵana turǵan
joq. Bul tańdaýda Táýkeniń kóregendigi men Abylaıdyń ulylyǵy, esimderi
ańyzǵa aınalǵan bılerdiń danalyǵy men 1986 jyldyń jeltoqsanynda ulttyq
qadir — qasıet degenniń ne ekenin kúlli álemge pash etken sol bir jas
júrekterdiń qaharmandyǵy toǵysyp jatyr. Bul tańdaýda óz taǵdyrynyń
qojasy bolý quqyǵy úshin ómirin qıǵan mıllıondaǵan qandastarymyzdyń erik
— jigeri bar. Osy tańdaýǵa dáıim laıyq bolaıyq»

Nursultan Nazarbaev
Astananyń qazirgi kún sanap bıikteı túsken eńsesinen táýelsizdigimizdiń
tegeýrinin, elimizdiń eldik qasıetin, jasampazdyqtyń jańǵyryǵyn aıqyn
baıqaǵandaısyń. Erke Esildiń jaǵasynda jańasha sáýlettik naqyshpen boı
túzep jatqan ásem qalanyń sulý beınesi alystan kóz tartyp, kóńil
baýraıdy. Sondyqtan, onyń erteńine de barlyq qazaqstandyqtar úlken
úmitpen qarap, búkil álem qyzyǵa kóz tigýde.

Qazirdiń ózinde kóptegen saıası jáne ekonomıkalyq mańyzdy oqıǵalardyń
ortalyǵyna aınalyp otyrǵan onyń erteńgi bolashaǵynyń da zor bolary
kúmánsiz.

Astana.

Bul sózge qazaq túgil, tórt — kúl álemniń eti úırengendeı.

Astana sózi tilge oralǵanda shahar retinde jańa — jańa boıyn tiktep,
eńse kóterip kele jatqan Elordasy kóz aldymyzǵa kele qalady.

Ol – jaı qala ǵana emes. Elorda. Keshe ǵana Táýelsizdigin alyp, býyny
endi qataıyp kele jatqan Qazaq memleketiniń astanasy.

Astana qazirgi kúni kózdiń jaýyn alady. Qarap turyp súısinesiń. súısinip
turyp, shúkirshilik etesiń.

Astana – bul qazaqtyń, mereıi, mártebesi. «Mereıimiz tası bergeı,
Astanamyz ajaryna ajar qosyp, sulýlyǵynan tanbaǵaı» degen shynaıy kóńil
tula boıdy kerneıdi.

Astana dúnıejúzine málim. Munda álemniń talaı memleketteriniń serkeleri
bas qosyp, pikir almasyp, mańyzdy sheshimder qabyldap júr.

Astana – el maqtanyshy. Munda qyzmet etý de, bilim alý da – baqyt.

Astana – jańa qala, jańa shahar. Ol keleshekte búgingiden de qulpyryp,
kórkeıe beretindigine senim.

Búgingi zamannyń talabyna saı sáni men saltanaty kelisip, birligi men
yntymaǵy jarasyp, kókke samǵaǵan záýlim bıik ǵımarattary bar, Esilge
qonǵan aqqýdaı, bul álemde eń jas Astanadaı kórkem qala bar ma? Bul –
jeńistiń kiltin dostyqpen tapqan nartáýekeldiń qalasy. Armany asqaq,
asýy bıik jandardyń salǵan qalasy. Eliniń bir kúndigin emes, halqynyń
100 ǵasyrlyq birligin oılap, Elbasynyń salǵan qalasy. Eýrazıa kindigine
ornalasqan alty Alashtyń bas qosqan qasıetti mekeni, kemel keleshegi bar
jańa Astana búginde álemdik saıasatta yqpal jasaıtyn, Qazaqstan jaıynda
túsinik qalyptastyratyn, qazirgi zamannyń eń iri geosaıası jobalarynyń
biri.

Halyqaralyq dárejedegi sporttyq oıyndar men álemdik aýqymdaǵy basqosýlar
ótetin, sáni men saltanaty kelisken, birligi men yntymaǵy jarasqan HHİ
ǵasyrdyń kórkem sáýletti qalasy – Astana arman emes, aqıqatqa aınalǵan,
qıal emes, azǵana ýaqyt aralyǵynda qolymyz jetken shynaıy tarıhı
jetistik. Keń bolsyn Qazaǵymnyń keregesi, Ketpesin Alla bergen berekesi.

Alashtyń balasyna násip bolǵan Qutty bolsyn, Astana merekesi.

Jyl saıyn qýanyshqa bólenińiz,
Baqytqa otbasylyq kenelińiz!

Jumysta eńbegińiz baǵalanyp,
Medalmen, ordenmenen elenińiz!

Týǵan kúnińizben shyn júrekten quttyqtaı otyryp, shynaıy kóńilden shyqqan
izgi tilegimdi joldaımyn!

Keń baıtaq elimizdiń júregi – Astanada kóp jyldan beri................

salasynyń jumysyn jandandyryp eseli eńbek etip
júrgen jigerli de jaýapty azamattarymyzdyń birisiz.

Óz isińizge berilgendigińiz ben kásibı sheberligińiz, ádildigińiz ben
adamgershiligińiz úshin áriptesterińiz Sizdi bilikti maman, aqjúrek azamat
retinde qurmet tutyp syılaıdy.

Búgingideı mereıli sátte Sizge eńbekte tolaǵaı tabystarǵa, maqsatta bıik
shyńdarǵa jete berýińizdi tileımin.

Árdaıym otbasyńyz aman, júzińiz jarqyn, mereıińiz ústem bolsyn!

Kemeldi keleshekke qaryshty qadam basqan Otanymyzdyń bas qalasy –
Astananyń joǵary talaptary ár azamatqa aýqymdy da asa jaýapty mindetter
júkteıdi.

Osy rette halyqqa qyzmet kórsetýdiń eń qajetti de qashanda ózekti salasy
– /salanyń ataýy/
damytý men jetildirý isine kóp jyldar boıy aıanbaı eńbek etip kelgen
Sizdiń tulǵańyz aldyńǵy qatardan oryn alady.

Siz baıyptylyǵyńyz ben iskerligińiz, kásibı sheberligińiz ben joǵary
biliktiligińiz áldeqashan tanymal bolǵan bilgir de tájirıbeli mamansyz.

Osy qýanyshty kúnde shyn kóńilden shyqqan izgi — nıet, aq tilekterimdi
qabyl alǵaısyz.

Boıyńyzǵa muqalmas jiger, qaıtpas qajyr, eńbegińizge taýsylmas tabystar,
otbasyńyzǵa ortaımas baq — yrys tileımin!

Mereıińiz ústem, mártebeńiz bıik bolsyn!

Sizdiń búgingi qýanyshty sátińiz — týǵan kúnińiz qutty bolsyn!

Kólik qyzmetkerleri qashanda halyqqa barynsha sapaly, joǵary deńgeıdegi
qyzmet kórsetýdi maqsat etetini anyq.

Bul salada Siz óz bilimdiligińizben, tájirıbeliligińizben, adal
eńbegińizben erekshelenip kelesiz.

Sizge taza kóńilimnen shyqqan izgi nıetimdi bildire otyryp, baqytty da
baıandy ǵumyr, jemisti de jeńisti kúnder, qajymas qajyr — qaırat,
talmas talap — jiger tileımin.

Árqashanda denińiz saý, kóńilińiz jaıdary, otbasyńyz berekeli bolsyn!

Biliktiligińiz ben iskerligińizdi oraıly ushtastyra otyryp, bilim berý
isine súbeli úlesińizdi aıanbaı qosyp kelesiz.

Sizge aq nıetpen qartaımas jaıdary kóńil, mándi de maǵynaly ómir,
jemisti eńbek pen sarqylmas qýat tileımin. Kóńilińiz shattyq pen
qýanyshqa, januıańyz baq pen berekege tolsyn.

............. jasqa tolǵan mereıli toıyńyzben shyn júrekten quttyqtaı
otyryp, júrek jardy jyly lebizderimizdi joldaımyz!

Siz densaýlyq salasynda kóp jyldar boıy ónegeli eńbek etip, tyndyrymdy
ister atqaryp kelesiz. Áriptesterińizge osy bir mańyzdy salanyń qyr —
syryn úıretýden jalyqqan emessiz. Búginde ujymymyz Sizdi úlken abyroı
— bedelge ıe bolǵan tájirıbeli, úzdik maman retinde qurmet tutyp
syılaıdy.

Densaýlyǵyńyz myqty, júzińiz jarqyn, ǵumyryńyz uzaq ta maǵynaly bolsyn
degen izgi nıetpen Sizge baqyttyń baıandysyn, dáýlet — yrystyń Syr
sýyndaı sarqylmasyn, tabys — tartýlardyń taý sýyndaı taýsylmasyn
tileımiz.

Árqashan mereıińiz ústem, mártebeńiz bıik bolsyn!

Sizge osy qýanyshty sátte ómirde baqytty, ujymda bedeldi, dos —
joldastaryńyzǵa qadirli de syıly bolýdy tileımiz!

Árdaıym júzińiz nurǵa, ómirińiz jyrǵa tolyp, alǵa qoıǵan úlken
maqsattaryńyzǵa súrinbeı jete berýińizge tilektespiz.

Aspanyńyz ashyq, júzińiz jarqyn, shattyq — qýanyshyńyz mol bolsyn!

Búginde Siz kólik salasynyń tájirıbesi mol, biliktiligi joǵary, bedeli
zor mamandarynyń birisiz.

Sapaly qyzmetińiz ben utymdy isterińiz, asa qarapaıym minezińiz ben
baıyptylyǵyńyz,
azamattyq bitim — bolmysyńyz da úlgi tutarlyq.

Sizge júrer jolyńyzdyń uzaq, asar asýlaryńyzdyń bıik, kórer
qyzyqtaryńyzdyń mol bolýyn tileımiz!

Sizdi týǵan kúnińizben shyn júrekten quttyqtaı otyryp, áriptesterińizdiń
izgi kóńilinen shyqqan aq tilekterin joldaımyz!

Ujymyńyz Sizdi bilikti de bilgir, tájirıbeli de ozyq, syıly da bedeldi
maman retinde qurmet tutyp syılaıdy.

Osy qýanyshty sátte Sizge uzaq ómir, zor densaýlyq, baıandy baqyt
tileımiz. Kóńilińiz ǵumyr boıy kóterińki bolyp, ómir aıdynynda qaıǵy —
muńdy bilmeı, erkin júze berińiz. Otbasyńyzdan bereke — birlik,
basyńyzdan baq — dáýlet taımaı, ańsaǵan armandaryńyzdyń asýyna jete
berýińizge tilektespiz!

Sizdi týǵan kúnińizben shyn júrekten quttyqtaı otyryp, kirshiksiz kóńilden
shyqqan izgi tilekterimizdi joldaımyz!

Ujymda adal eńbekker, ortasyna syıly áriptes, otbasynda meıirmandy ana,
asyl jar bola bilgen ózińizdeı abzal janǵa osyndaı qýanyshty kúni
ǵumyryńyz uzaǵynan, kórer qýanyshyńyz molynan bolsyn dep tileımiz.

Júzińiz kúndeı kúlimdep, júregińiz jazdaı jaınasyn, janaryńyzdan árdaıym
nur sebelep, janyńyz shattyqqa kenelsin demekpiz. Shańyraǵyńyzǵa shattyq
uıalap, bosaǵańyzdan qyzyq — qýanysh arylmasyn!

Týǵan kúnińizge oraı áriptesterińizdiń aq kóńilinen shyqqan quttyqtaýlary
men jyly lebiz — tilekterin qabyl alyńyz.

Jas ta bolsańyz, ózińizdiń eńbek etip júrgen salańyzda bilikti de bilgir
maman retinde tanylyp úlgerdińiz.

Osy aıtýly sátte Sizge keleshekte mamandyǵyńyzdyń úzdik sheberi atanyp,
alǵa qoıǵan úlken maqsattaryńyzǵa súrinbeı jete berýińizge tilektespiz.

Ómirde baqytty, ujymda bedeldi, dos — joldastaryńa qadirle de syıly
bop tek bıikterden kórine ber!

Jemis bersin ter tókken eńbegińiz,
Baqyt bolsyn árdaıym kórgenińiz!

Dáýlet pen mereıińiz tası bersin,
Arta bersin abyroı — bedelińiz!

Tizgini ózińizge senip tapsyrylǵan.......................... bóliminiń
jumysyn sapaly da utymdy júrgizý isindegi eńbegińizdi asa joǵary
baǵalaımyz.

Salańyzdyń bilgirisiz – sanańyz ilgeri bolsyn, eńbektiń ozatysyz –
oıyńyz ozyq bolsyn dep tileımiz.

Ózińizdi iskerligi men uıymdastyrýshylyq qabileti joǵary qyzmetker,
bolashaǵynan úlken úmit kúttiretin bilimdi de bilikti jas maman retinde
tanımyz.

Qyzyqqa qushtar, sulýlyqqa ińkár jastyq shaqtyń jalaýyn jyqpaı, jylýyn
máńgi joǵaltpaı,
aq mahabbat pen taza dostyqtyń adaldyǵyna súıenip, eńbektiń jemisi men
jeńisine kenelip,
maqsat — muratyńyzǵa múdirmeı, armandaryńyzǵa adaspaı jetýińizdi
tileımiz.

Kóńilińiz kóktem gúlindeı kirshiksiz, ómirińiz óleń joldaryndaı minsiz
bolsyn!

Ujymda Sizdi janyńyzdyń tazalyǵy men kóńilińizdiń adaldyǵy, qarapaıym
minezińiz jáne eńbektegi bilgirligińiz úshin úlgi tutyp syılaıtynyn
bildirgimiz keledi.

Ortańyzǵa syıly, eńbekte abyroıly qalpyńyzda áli de talaı jyldar qatar
qyzmet etýdi jazsyn.

Siz ónegeli eńbegińizben, tyndyrymdy isińizben jáne qarapaıym da
parasatty minezińizben úlken abyroı — bedelge ıe bolǵan ujymymyzdyń
tájirıbeli, úzdik mamanysyz. Týǵan kúnińiz qutty bolsyn! Árdaıym
eńbegińiz jana bersin, jańa bıik jetistik shyńdaryna kóterile berińiz dep
tileımiz.

Siz talantty, óz mamandyǵyn jete meńgergen, qyzmettesteri aldynda erekshe
bedelge ıe bolǵan jansyz. Jınaǵan tájirıbeńizdi tálimger jáne aqylshy
retinde keıingi jastarǵa jetkizýden jalyqpaısyz.

Igi isterińizdiń qashanda ońǵa basýyna, ár qadamyńyzdyń qarymdy bolýyna,
el — qoǵam aldynda abyroıyńyzdyń arta berýine tilektestik bildiremiz.