InfoHub Logo

Ómirde aqshanyń mańyzy joq dep aıtatyndar, sizdi nemese ózin aldaǵysy keletinder qatarynda. Shyn máninde kóptegen adamdar aýqatty bolyp, qalaǵanyn alyp, aqshadan tarshylyq kórmesem dep oılaıdy. Alaıda aýqatty bolý kópshiliktiń qolynan kele bermeıdi... Siz ózińizge nege men mıllıoner emespin degen suraq qoıasyz ba? Onda tómendegilerdi oqyp kórińiz.

Siz ózińizge jumys jasamaısyz

Árıne, siz óz isińizdiń qojaıyny bolsańyz mıllıoner bolyp ketýińizge kepildik joq. Biraq bireýge ómir boıy jumys jasap mıllıoner bolýǵa múmkindik az. Bir jumyspen ózińiz alyp júrgen jalaqyny birneshe ese alýǵa bolatyndyǵyn esińizden shyǵarmańyz.

Men birden kóp aqsha tapqym keledi dep jumysyńyzdy tastap, táýekelge bel býýdyń qajeti joq. Onyń ornyna qazirgi jumysyńyzdy ózińizdiń jeke bıznesińizben ushtastyryp, aqyryndap alǵa qaraı jyljyńyz. Osylaısha siz ózińizdiń qarjylyq qaýipsizdigińizdi qamtamasyz etip, óz isińizdi dóńgeletýge múmkindik alasyz.

Siz táýekelderden qashasyz

Adamdar táýekelge barmaı mıllıoner bolmaıdy. Táýekel túbi jelqaıyq, minesiń de ketesiń. Bul qolda bar barlyq aqshańyzdy bir jobaǵa ǵana salyp nemese tabysty oılanbaı jumsaý degen sóz emes. Durysy qolda bar aqshany durys ınvestısıalap, saýatty jumsaý. Bankke salynǵan aqshadan paıyz alyp eshkim baı bolyp ketpeıdi. Mıllıonerler ózderiniń qarjysyn ınvestısıalaý joldaryn jaqsy biledi.

Siz óz ıdeıayńyzdy paıdalanbaısyz

Bizde mıllıoner bolýǵa ıdeıalar kún saıyn týyp jatady dep eshkim aıtpaıdy. Biraq eger mundaı ıdeıa týyndasa, oǵan qaıshy ıdeıalar men pikirler de týyndaıdy. Maqsatqa jetý úshin armandaý az, áreket etý kerek. Mıllıonerler tabysqa jetip jatqan basqalardy qarap, olardyń ómirin baqylap otyrmaıdy. Olar óziniń maqsatyna jetý úshin tynymsyz áreket etedi.

Siz aqshany oılanbaı jumsaısyz

Qazirgi zamanda kez kelgen adamnyń mılloner bolýǵa múmkindigi bar. Qarajatty tıimdi ınvestısıalaý jáne naqty maqsat bizdi aýqatty etýge alǵyshart bola alady.

Alaıda, siz óz aqshańyzdy qalaı bolsyn solaı jumsasańyz, siz mılloner bolý armanyńyzben qoshtasasyz. Bir ýaqyt belgilep, bújetińizdi anyqtap aqsha jınaı bastańyz. Bul sizdiń jınaq qarajatyńyzdy ulǵaıtyp qana qoımaı, maqsatqa jetýge zor múmkindik ashady.

Siz naqty maqsat qoımaısyz

Aldyna naqty maqsat qoımaǵan adamdar eshqashanda baı bolmaıdy. Sondyqtan da tabysqa jetkińiz kelse ózińizdiń aldyńyzǵa naqty jáne durys maqsat qoıyńyz.

Tek maqsat qana qoımaı, oǵan jetýdiń tetikterin qarastyrý kerek. Bul sizge durys tańdaý jasaýǵa, aqshańyzdy durys ári tıimdi jumsaýǵa, artyq zattar almaýǵa kómektesedi. Eger siz naqty oıyńyzdaǵy maqsatyńyzǵa aqsha jınaı bastasańyz, onda tapqanyńyzdy kúndelikti qajet emes zattarǵa jumsap jiberýden aýlaq bola bastaısyz.

Siz ýaqytyńyzdy, kúshińiz ben energıańyzdy durys paıdalanbaısyz

Eshkimt 12 saǵat boıy dıvanda jatyp, teledıdar kórip mıllıoner bolǵan joq. Árıne eger siz lotereıadan mıllıon utyp alǵan baqytty adam nemese baı murager ıesi bolmasańyz. Negizi mıllıoner bolý óte aýyr mindet ekendigin esińizden shyǵarmańyz.

Mıllıonerler óziniń ýaqyty men energıasyn ınvestısıa dep esepteıdi. Olar birden baı bolyp ketpeıtindigin jaqsy túsinedi, sondyqtan da osy maqsatta jyldar boıy qajyrly eńbek etedi. Árbir bos mınýtyńyzdy maqsatyńyzǵa jetý úshin tıimdi etip ótkizýge kúsh salyńyz.

Siz paıdaly adamdarmen qarym-qatynas jasamaısyz

Eger siz erinshek, erteńi úshin alańdamaıtyn adamdarmen aralassańyz eshqashanda tabysqa jete almaısyz. Siz qasyńyzda energıasy kóp, tabysty adamdar júrse onda jaqsy jaqqa qaraı umtylaryńyz shyndyq.

Tabysty, ómirge pozıtıvti kózqaraspen qaraıtyn adamdarmen dos bolyńyz. Olarmen kóbirek aralasýǵa tyrysyp, aqshany qalaı durys ınvestısıalaý, bıznesti júrgizý joldaryn úırenińiz. Mundaı adamdarmen aralasý sizdiń maqsatyńyzdy aıqyndap, tabysty adam bolýyńyzǵa óziniń kómegin tıgizedi.

Oqýǵa keńes beremiz:

Genetıkalyq kedeıliktiń sebepteri

Djek Ma: Eger 35 jasyńyzda siz áli de kedeı bolsańyz – onda siz buǵan laıyqtysyz

Azıanyń eń baı adamdarynyń biri Djek Manyń jetistikke jetý tarıhy

Ýolt Dısneı jetistiginiń tarıhy

---