InfoHub Logo

Ataqty sáýlet eskertkishterin ınternet pen kitap arqyly kópshilik kórgen bolar. Biraq, bir qyzyǵy — syrttaı qaraǵanda olardyń bar qyryn biletin sıaqtymyz, al ishki kórinisi qandaı degende bilerimiz az, degenmen ol týraly aqparatty da ońaı tabýǵa bolady. Al ol jerde jasyrynyp turǵan qyzyq kóp eken.

1. Pıza munarasy, Italıa

Bir tańqalarlyǵy, ishki jaǵynan munaranyń keıbir jeri bos, biraq joǵary kóterile alasyz — onyń perımetri boıymen ótetin baspaldaǵy bar.

Pıza munarasyn qalpyna keltirý men saqtap qalý úshin kóp kúsh pen qarajat jumsaldy, sondyqtan ishine kirý úshin biraz aqsha tóleýge týra keledi — az degende 32 eýro. Kóterilmeı turyp sizden fotoaparattan ózge zattyń bárin “alyp qalady”. Sirá, bul Galıleıdiń denelerdiń qulaýy jónindegi tájirıbelerin adamdar qaıtalamasyn degen nıetpen istelgen bolar.

 

2. Vasılıı Blajennyı Sobory, Reseı

Reseıdiń bas sımvoly ishki jaǵynan da, syrtqy jaǵynan da eklektıkaly. Ǵıbadatxana bir fýndament ústine ornalastyrylǵan birneshe ár túrli shirkeý túrinde salynǵan, sondyqtan ishki qurylymdy birden uǵý qıyn. Ǵıbadatxana ishinde 9 ıkonostas pen 2 qabat, sondaı-aq kishigirim murajaı da bar. Áshekeılengen qabyrǵalaryna qarasańyz, quddy bir ertegi álemine túskendeı bolasyz.

 

3. Machý-Pıkchý, Perý

Búginde 70 dollaryn qıýǵa daıyn kez kelgen adamnyń ınkter qalasyn kórý múmkindigi bar. Ia, ókinishke oraı, bul álemdegi eń qymbat kórneki jerlerdiń biri bolyp tabylady.

Eger batylyńyz baryp, ejelgi Machý-Pıkchý qalasyn kórý úshin bıikke shyqsańyz, sol bir kanondy kórinis ashylmaýy da múmkin — bul jerdi jıi tuman basady. Alaıda ýaıymdamańyz, Machý-Pıkchý kósheleri men qurylystary da qyzyqqa toly.

 

4. Saltanat qaqpasy, Fransıa

Saltanat qaqpasy tańǵajaıyp jerde — aınalasyn ataqty 12 dańǵyl qorshap jatqan Sharl de Goll alańynda ornalasqan. Al sol dańǵyldardyń biri — áıgili Elıseı jazyǵy. Qaqpa ústinde kórý alańynyń ashylýy da sondyqtan bolar.

Oǵan kóterilý quny — 12 eýro. Osy aqshaǵa sondaı-aq qaqpa ishinde ornalasqan murajaıdy da kórip qaıtsańyz bolady.

 

5. Kolızeı, Italıa

Kolızeıdiń ishi — kúmbez tárizdi arkalar, ol jerlerde buryn kórermender otyratyn jáne saýda júrgiziletin bolǵan. Shaıqastar ótkizilgen alańnyń ózi qazir joq, esesine onyń astynda ne bolǵany kórinedi — gladıatorlar men janýarlar turaqtaǵan úı-jaılardyń qaldyqtary saqtalǵan.

Kolızeıge 12 eýro tólep kirýge bolady, sonymen birge bul bılet sizge Rım forýmyn kórýge de quqyq beredi.

 

6. Jarylqaýshy Hrıstos eskertkishi, Brazılıa

Rıo-de-Janeıroǵa kele salysymen birden kózińizge túsetini — Jarylqaýshy Hrıstos eskertkishi. Myqty foto jasaýdyń 2 joly bar — ony alystan sýretke túsirý nemese aıtarlyqtaı kóp adam tobymen birge eskertkish túbindegi kórý alańyna kóterilý. Bul alańǵa shyǵý quny týrıser aǵylyp keletin joǵary suranysty maýsym kezinde 23 dollardy quraıdy eken.

 

7. Heops Pıramıdasy, Mysyr

Mysyrda 118-138 pıramıda bar jáne solardyń ishindegi eń ataqtysy — árıne, Heops pıramıdasy. Syrttaı zor bolyp kóringenimen, ishi bireýlerdiń kóńilin qaldyrýy múmkin. Freskalar men ıeroglıfterdiń ornyna bos qabyrǵalardy kóresiz, al dálizderiniń tómendigi sonsha, úsh búktelip júrýge týra keledi. Perǵaýyn sarkofagyna keler bolsaq, ol betonnan jasalǵan vana tárizdes.

İshine kirý úshin shamamen 13 eýro tóleý qajet.

 

8. Sagrada-Famılıa sobory, Ispanıa

Bul sobor mysyrlyq pıramıdalardan da uzaq salynyp jatyr. Ony salý úshin ne danyshpan, ne esinen adasqan jan bolý kerek desedi. Rasymen de, onyń syrtqy kelbeti sıaqty ishki kórinisi de ózindik daralyǵymen, batyldyǵymen erekshelenedi eken. Mysalǵa, aǵash tárizdes kolonnalar sonyń bir dálelindeı.

İshke kirý úshin 15 eýro tóleý kerek, biraq kóretinińiz sol qunǵa turarlyq dúnıe.

 

9. «Otan-ana shaqyrady!» músini, Reseı

Eýropanyń eń bıik músini Reseıde ornalasqan jáne ol Stalıngrad túbindegi shaıqas týraly estelik retinde turǵyzylǵan bolatyn.

Halyq arasynda músinniń aýzynda kórý alańy, al qulaǵynyń janynda VIP-tulǵalarǵa arnalǵan meıramxana bar degen sóz taralǵan eken. Biraq, shyndyǵynda olaı emes. Eskertkish ishinde sym arqandar tartylǵan jáne qarapaıym adamdardy ol jerge kirgizbeıdi, tek texnıkalyq qyzmetkerlerdiń ǵana kirýge quqy bar.

 

10. Noıshvanshtaın qamaly, Germanıa

Bul tańǵajaıyp qamaldy bavarıalyq koról II Lúdvıg saldyrǵan, alaıda ózi ol jerde ómiriniń bar bolǵany 172 kúnin ǵana ótkizgen eken.

Negizi, ishiniń ádemiligi sonsha, qandaı sýret qoıarymyzdy bilmedik. Qamal balkonynan qaraǵandaǵy bir ǵana kórinistiń ózi qandaı, qarańyzshy. Bul kirý úshin tólenetin 13 eýroǵa turarlyqtaı kórinis emes pe? Iá, ishten kóretinińiz sol jumsalǵan aqshany tolyǵymen aqtaıdy degen oıdamyz.

 

11. Sıdneı opera teatry, Avstralıa

Jelkendi kemeni eske túsiretin bul teatr Bıg-Ben jáne Eıfel munarasymen teń dárejede baǵalanatyn zamanaýı qurylystardyń biri bolyp tabylady.

İshke tegin kirýge bolady (árıne, operanyń ózin esepke almaǵanda). Aıtpaqshy, teatrdyń eń kishkentaı “jelkenderiniń” birinde “Bennelong” meıramxanasy ornalasqan.

 

12. Reıhstag, Germanıa

Bul klasıkalyq ǵımarattyń ereksheligi zamanaýı móldir kúmbeziniń bolýynda. Tipti ishine tegin kire alasyz jáne memleket taǵdyry qalaı sheshiletinin kóre alasyz. Tek eki aı buryn ekskýrsıaǵa jazylyp qoıý qajet.

 

13. Eıfel munarasy, Parıj

Eıfel munarasyna kelgende basqasha istedik: onyń syrtymen de, ishimen de foto arqyly bolsa da kópshilik tanys. Jan-jaǵynan túsirilgen túrli sýretterdi de kórip jatyrmyz. Sondyqtan, munarany kópshilik kórmegen túrde kórseteıik dep sheshtik, dálirek aıtqanda ılúmınasıasy joq kezin. Onyń mundaı túrin aza tutý nemese Jer saǵaty ýaqtynda kórýge bolady.

Bir aıtarymyz, munaranyń eń bıik jerine shyǵý bıleti 25 eýro turady. Lıftsiz arzanyraq bolady.

---