InfoHub Logo

Tuqym sebýge arnalǵan SZ - 3, 6 mashınasy
Sabaqtyń maqsaty:
a) oqytý: Tuqym sebýge arnalǵan SZ - 3, 6 mashınasynyń qurylysymen tanysý
b) damytý: oı - órisin sana - sezimin damytyp, qabiletin ashý.
v) tárbıelik: eńbeksúıgishtikke, uqyptylyqqa, ıkemdilikke tárbıeleý.
Sabaqtyń túri: Jańa bilimdi meńgertý.
Sabaqtyń ádisi: Suraq - jaýap.
Sabaqtyń kórnekiligi: Slaıdtar, tuqym sebýge arnalǵan SZ - 3, 6 mashına maketteri, ınteraktıvti taqta.
Pánaralyq baılanys: bıologıa, agronomıa, hımıa, traktorlar men avtomobılder, fızıka
Sabaqtyń barysy: Úı tapsyrmasyn suraý.
Jańa sabaqty túsindirý.
1. Sebýge qoıylatyn agrotehnıkalyq talaptar jáne sebý tásilderi.
2. Septkishterdiń jiktelýi.
3. Sepkish apparatar.
4. Dán jáne tyńaıtqysh ótkizgishter.
5. Soshnıkter.

Sepkishter (seıalkalar)
Seıalkalar egý, traktorǵa agregattaý ádisterine jáne paıdalaný ornyna (sebetin daqyldarǵa) qaraı ajyratylady.
Egý ádisine qaraı seıalkalar qatarlap sebetin, tar qatarly, pýnktırli, sharshy - uıaly, bir dándep jáne shashyp sebetin seıalkalar bolyp bólinedi. Qatarly jáne tar qatarly seıalkalar tuqymdy topyraqqa qatararalyqqa berilgen qashyqtyqta, sharshy uıaly seıalkalar sharshy buryshtaryna uıalap, pýnktır seıalkalar berilgen qashyqtyqta bir - bir dánnen shashyp tuqymdyq dándi egistiktiń betki qabatyna bólip sebedi.
Traktorǵa agregattaý ádisi boıynsha seıalkalar traktorǵa aspaly, jartylaı aspaly jáne tirkemeli bolyp bólinedi.
Paıdalanýyna qaraı dán - tyńaıtqysh, dán - tyńaıtqysh - shóp, júgeri, qyzylsha, kókónis, aǵash t. b. seıalkalary dep atalady.
Sebýdiń belgilengen normasyna saı seıalkalar tuqym men tyńaıtqyshty alańmen qatarlarǵa birkelki seýip, topyraqtyń ylǵaldy qabatyna berilgen tereńdikte sińirýi kerek. Sebý kezinde qatarlardyń túzýligi jáne qatararalyqtarynyń belgilengen túıisýin saqtaý qamtamasyz etilýi tıis. Shala jáne qaıta sebýge bolmaıdy.
Árbir seıalkanyń jumys organdary jáne kómekshi bólshekteri men mehanızmderi bolady. Onyń tikeleı sebý prosesin oryndaıtyn jumys organdaryna tuqym jáshigi, sepkish apparat, tuqym ótkizgish, sińirgish qarǵylary bar soshnıkter jatady. Kómekshi mehanızmderi jumys organdardyń jumys isteýin qamtamasyz etedi. Olar – tirkemesi bar rama, osteri bar tireýish - jetek dońǵalaqtary, kóterý jáne soshnıkterdiń júris tereńdigin belgileıtin mehanızmder, dońǵalaqtardan sepkish apparattyń bilikterin qozǵalysqa keltiretin berilis mehanızmder bekitý detaldary.
Seıalkalardyń paıdalanylýyna qaraı jumys organdaryn aýystyrýǵa bolady.
Mashınanyń kómekshi bólshekteri túrli seıalkalardyń konstrýksıasyna erekshe ózgerissiz engizile beredi.
Agregattardy túzý júrgizý jáne dándi shala seppes úshin seıalkalar markerlermen jáne iz túsirgishtermen jabdyqtalady.