InfoHub Logo

Sabaqtyń taqyryby: Uzyndyqty ólsheý
Sabaqtyń maqsaty: 1. Bilimdilik: «Uzyndyq» túsinigin qalyptastyrý; ártúrli ólshemderdiń kómegimen uzyndyqty ólsheýdi úıretý; ótilgen materıaldardy bekitý.
2. Damytýshylyq: Oqýshylardyń jazý daǵdylaryn qalyptastyrý. Oılaý, sóıleý qabiletterin damytý.
3. Tárbıelik: Uqyptylyqqa, tapqyrlyqqa tárbıeleý.
Sabaqtyń ádisi: Áńgimeleý, suraq - jaýap.
Pánaralyq baılanys: dúnıetaný, álippe
Sabaqtyń kórnekilikteri: syzǵysh, ár túrli zattar,

Sabaqtyń barysy: İ. Uıymdastyrý kezeńi
- Búgin bizge qonaqqa, bizdiń súıikti dostarymyz keldi.
Psıhologıalyq daıyndyq
Kóbelek - aý, kóbelek,
Ádemisiń keremet!
Gúlge kelip qona ǵoı,
Óziń de gúl bola ǵoı.

İİİ. Tirek bilimderin jetildirý.
Aýyzsha jattyǵýlarǵa sanaý, kez kelgen sannan bastap sandardy týra jáne keri sanaýdy qaıtalaýǵa baǵyttalǵan jattyǵýlar men oıyndardy engizýge bolady. Sonymen birge zattardyń keńistiktegi ornalasýy týraly túsinikterin bekitý. «Ne ózgerdi?» oıynyn júrgizýge bolady (zattardyń ornyn ózgertý, olardyń túsi, mólsheri, zattardyń sany arttyrý, kemitý)

IV. Jańa materıalmen tanystyrý.
Praktıkalyq jumystan bastaýǵa bolady. Taqtaǵa eki oqýshy shyǵady: «Balalardyń boıyn salystyryp, qorytyndy jasańdar». Muǵalim men oqýshynyń boıy, qaǵazdan daıyndaǵan jolaqtardyń uzyndyqtary, partalardyń bıiktikteri, qýyrshaqtardyń boıy salystyrylady. Sodan keıin parta men muǵalim ústeliniń uzyndyqtaryn salystyrý usynylady. Oqýshylardyń ólshemder kómegimen ólsheý nátıjesinde alynǵan shamalardyń salystyrý úshin qajettigi týraly qorytyndyny jasaýy mańyzdy.

V. Oqýlyqpen jumys.
Oqýshylar №1 tapsyrma boıynsha praktıkalyq jumysty oryndaıdy.
Alǵashqy bekitý jumysy úshin №3 tapsyrmany oryndaýǵa bolady.
№2 tapsyrma rettik sanaýdy bekitýge arnalǵan. «Sheńber boıynda neshe bala tur? Bas kıim kıgen baladan, burymy bar qyzdan bastap sana, t. b. Kózildirik taqqan bala burymdy qyzdan bastap sanaǵanda neshinshi tur? Eger oń jaǵynan bastap sanasa she? Sol jaqtan she? Bantıgi bar qyzdan bastap sanaǵanda úshinshi kim tur?» t. b.

Vİ. Sergitý sáti
Átesh erte oıandy,
Jan - jaǵyna qarady.
Shynyqtyryp deneni,
Qanattaryn tarady.
Qaz qanatyn jaıdy, aqqý moınyn sozdy
Úırek kólge kelip.

Vİİ. Dáptermen jumys 19 - 20 bet
№1 tapsyrmada eki núkteli qosý arqyly kesindiler syzady.
Paıda bolǵan kesindilerdi sanaıdy.
№2 tapsyrmany óz betterinshe oryndaıdy, sodan keıin fıgýralardyń baǵandarda, qatarlarda qaıtalanbaǵanyn tekseredi. Birneshe balada óz paıymdaýlaryn suraýǵa bolady.
№3 tapsyrma keńistikte baǵdarlaı alý týraly bilimderin bekitýge arnalǵan.
Ótilgen materıal boıynsha isteletin jumys.
Bul sabaqta alǵash ret oqýshylardyń zeıinin damytýǵa baǵyttalǵan zattyń ıleýli jáne jeńil - jelpi qasıetterin bólip kórsetýge, geometrıalyq fıgýralardyń qaıtalaýǵa arnalǵan «Zatty tap» oıyny (№4) kezdesedi.

Oqýlyqta aldaǵy ýaqytta da osyndaı tapsyrma taǵy beriledi. Oıynnyń
sharty qarapaıym ǵana. Balalardyń biri taqtaǵa shyǵady jáne kesteniń bir bólimin ishteı tańdaıdy. Qalǵandary oǵan mynadaı túrdegi suraqtar qoıady:
- Ol zattyń pishini dóńgelek pe?
- Ol zat tómengi qatarda ornalasqan ba? t. s. s.
Osylaısha, oqýshynyń ishteı jasyrǵan kestedegi bólimin suraqtar qoıý arqyly tabady. Oqýshylardy az suraqpen - aq jasyrylǵan zatty tabýǵa úıretý mańyzdy.
№5 tapsyrma oqýshylardyń zeıinin arttyrýǵa arnalǵan.

VIIİ. Sabaqty qorytyndylaý.
- Búgin qandaı taqyryppen tanystyq?
- Sabaqta ne istedik?
- Qandaı tapsyrma qıyn boldy?

İH. Jaqsy jumys istegen oqýshylardy madaqtaý.
- Sender jaqsy jumys istegen úshin, Jolbarys senderge ákelgen syılyǵyn beredi.
Uzyndyqty ólsheý. júkteý