ناۋرىزعا ارنالعان باتا-تىلەكتەر جانە مەرەكەلىك قۇتتىقتاۋلار

ناۋرىز — جىل باسى، تابيعاتتىڭ جاڭارۋى. بۇل مەرەكەدە ايتىلاتىن باتا ەرەكشە: وندا جاڭا جىلدىڭ بەرەكەلى، جاڭبىرلى، ءشوبى شۇيگىن كەلۋى تىلەنەدى.

بۇل بولىمدە ناۋرىز مەيرامىنا ارنالعان باتالار، ۇلىس كۇنىنە قاتىستى حالىق ولەڭدەرى مەن دايىن قۇتتىقتاۋ سوزدەر بەرىلگەن.

ناۋرىز-تىلەك

تابيعاتتىڭ گۇل ەركەسى كوكتەم كۇنىن وتكەرسىن،
سول گۇل ەركە اتىراپقا جاقسىلىعىن اپ كەلسىن!
كوكتەمىنە ىلەسە انىق ناۋرىز كىرسە ەسىكتەن،
سول ناۋرىزبەن اينالاعا نۇرعا تولى ب ا ق كەلسىن!
تابيعاتتىڭ گۇل ەركەسى كوكتەم جەتتى دەگەيسىڭ،
سول كوكتەممەن كوڭىلدەردىڭ پەيىلى اق بوپ كەڭەيسىن!
سول پەيىلمەن استاسقانداي ناۋرىز كىرسە ەسىكتەن،
ۇلىس كۇنمەن تىرشىلىكتىڭ نەسىبەسى كوبەيسىن!
تابيعاتتىڭ گۇل ەركەسى كوكتەم كەلىپ جار سالسىن،
سول قىز-كوكتەم ادامدارعا باقىت جايلى ءان سالسىن!
سول انمەنەن ىلەسە ەگەر ناۋرىز ەنسە ەسىكتەن،
جاڭا كۇنىن ۇلكەن-كىشى شاتتىقپەنەن قارسى السىن!
كوكتەم كەلىپ كۇللى دالا اسەمدىككە بويالسىن،
سول اسەمدىك اتىراپقا ورنەگىن شىن جايا السىن!
سول بوياۋمەن تۇرلەنگەندەي ناۋرىز جەتسە ەسىكتەن،
كۇللى الەم جاسارعانداي وسى كۇنمەن ويانسىن!
ناۋرىز تويدىڭ ءانى تالاي جۇرەكتەردى سەندىرسىن،
سول انمەنەن ارۋ جايناپ، شاتتىقپەنەن ەل كۇلسىن!
سول اۋەنمەن تەربەلسىن دە عاشىقتاردىڭ جۇرەگى،
جاستىق جىگەر ءانىن ەستىپ تابيعات تا سەرپىلسىن!
دەسىن ەلى ناۋرىز جايلى وسى بىزگە ەرەك كۇن،
دەسىن حالىق ناۋرىز جايلى بۇل جاڭا كۇن بولەك تىم.
ۇلى كۇننىڭ ىرىستى ءۇنى پاك كۇلكىگە ءۇن قوسىپ،
نۇرلاندىرسىن بەسىكتەگى ءسابي ءجۇزىن بوبەكتىڭ!
كوكتەم-قىزدىڭ ىنجۋىمەن بار تابيعات جاسانسىن،
ەلجىرەسىن، جانى ك ۇلىپ، جانارىنا جاس السىن.
قارت تاريحى باستاۋ بولعان قازاق ەلى تاعى ءبىر
جاڭا جىلدىڭ جاڭا كۇنى ناۋرىزىمەن جاسارسىن!
اۆتورى:
عابيدەن قوجاحمەت،
قىزىلوردا قالاسى
ناۋرىزعا ارنالعان ولەڭ شۋماعى ناۋرىزعا تىلەك ناۋرىز باتا

ناۋرىز مەيرامى قۇتتى بولسىن!

قۇرمەتتى ارىپتەستەر، دوستار مەن سەرىكتەستەر!
بارشاڭىزدى ۇلىستىڭ ۇلى كۇنى – ناۋرىز مەرەكەسىمەن شىن جۇرەكتەن
قۇتتىقتايمىن! ناۋرىز – ىرگەسى سوگىلمەس بىرلىكتىڭ بەرەكەسى، ىرىسى
توگىلمەس تىرلىكتىڭ مەرەكەسى.
جاقسىلىقتىڭ جارشىسى، جاڭا جىلدىڭ باستاۋى – ناۋرىز مەيرامى تۋعان جەر
توپىراعىنا قۇت — بەرەكە اكەلسىن!
ەلىمىز تىنىش، تۋعان جەرىمىز امان بولىپ، ءاربىر جاڭا كۇن ءار وتباسىنا شات
كوڭىل، باقىت جانە بەرەكە سىيلاسىن!
ۇلىس وڭ بولسىن، اق مول بولسىن!
ىزگى نيەتپەن،

اقتىڭ مولاياتىن، جارىقتىڭ ۇزاراتىن، نۇردىڭ مولاياتىن، تىرشىلىكتىڭ
جاڭاراتىن، ءومىردىڭ جاڭعىراتىن، پەيىلدىڭ تۇزەلەتىن، كوڭىلدىڭ كەڭەيەتىن
كەزەڭى – ناۋرىز مەيرامى قۇتتى بولسىن!

ناۋرىز مەيرامى قۇتتى بولسىن!
ۇلتىمىزدىڭ مەرەيىن ءوسىرىپ، بار بولمىسىمىزدى ايشىقتايتىن قاسيەتتى –
ناۋرىز مەرەكەسى ەلىمىزگە، ءاربىر وتباسىنا بىرلىك پەن قۋانىش، قۇت —
بەرەكە، باقىت پەن مولشىلىق اكەلسىن!
ۇلىس وڭ بولسىن، اق بول بولسىن!

ناۋرىز مەيرامى قۇتتى بولسىن!
ناۋرىز كەلسە، قۇت كەلگەنى، حالايىق!
شاشۋ شاشىپ، ەل بولىپ قارسى الايىق!

ۇلىس وڭ بولسىن، قازاق ەلى!
جاڭا كۇننىڭ نۇرلانىپ شىقتى ەرەك،
جاڭا جىلىڭ شىعىستان بەردى دەرەك.
جەر — انانىڭ ءوڭىرى اققا ءيىپ،
جەر جاھاننىڭ ەتەگىن جاپتى جەلەك.
جەتكەندە ناۋرىزكوك جىلى جاقتان،
ناۋرىزشەشەك كوز اشار ءالميساقتان.
تاڭدايىڭدا بال تاتىپ ۇلىس ءدامى،
بەلكوتەرەر بەرىلەر باۋىرساقپەن.
ۇيقىاشارعا اسىعىپ قىز — جىگىتتەر،
ءۇي ارالاپ ۇلكەندەر ءجۇز جىبىتەر.
القا توپقا بەرىلگەن اق باتالار،
سامارقاننىڭ تاسىن دا ءبىر ۇگىتەر.
بايشەشەكپەن كوكتەسە كوڭىل كوگى،
جاڭا باقىت جەتكىزەر جىلدىڭ لەبى.
جاڭا كۇنىڭ بۇل سەنىڭ، جاڭا جىلىڭ –
ناۋرىز قۇتتى بولسىن، قازاق ەلى!

ناۋرىز ءسىزدىڭ شاڭىراعىڭىزعا باقىت، بەرەكە مەن قۇت اكەلسىن!
كوكتەم لەبىمەن بىرگە كەلگەن مەرەكەڭىز قۇتتى بولسىن!

ناۋرىز مەيرامى قۇتتى بولسىن!
ءاز ناۋرىز كەلىپ، الەمگە تابيعات جىلى شۋاعىن جايىپتى.
كۇن ك ۇلىپ، ادامدار ادەمى مەيىرىمگە بولەندى.
تۇركى تىلدەس حالىقتاردىڭ ورتاق جاڭا جىلى – ۇلىستىڭ ۇلى كۇنى – ناۋرىز
مەيرامى قۇتتى بولسىن!
ايداي ايالاپ، كۇندەي ك ۇلىپ كەلگەن، ۇلكەن مەرەكەمەن قۇتتىقتاي وتىرىپ،
سىزدەرگە ادامي باقىت، شىعارماشىلىق تابىس، ىستەرىڭىزگە بەرەكە، ەلىمىزگە
قۇت — مەرەكە اكەلسىن دەگەن ىزگى نيەتىمىزدى بىلدىرەمىز!

ناۋرىزعا ارنالعان باتا — تىلەكتەر

ۇلىس كۇنى قازان تولcا،
ول جىلى اق مول بولار.
ۇلى كىسىدەن باتا السا،
سوندا ءارقاشان جول بولار.

ۇلىستىڭ ۇلى كۇنىندە،
ۇلىڭ وڭعا قونسىن،
قىزىڭ قىرعا قونسىن،
داۋلەتىڭدى اسىرسىن،
دۇشپانىڭ باسىلسىن.
مەنىڭ بەرگەن بۇل باتام —
ۇلىس كۇنگە ساقتاپ جۇرگەن ءسۇر باتام
كوجە ىستەگەن كەلىندەر،
كوپكە جاققان ەلشىل بول.
بوزتورعايداي ءتولشىل بول!
ور قويانداي كوزدى بول،
ادام تاپپاس ءسوزدى بول!
قىستان قىسىرامادىق،
جاز كۇنىندەي جادىرامادىق،
وتكەن اي وزىمەن كەتىپ،
تۋعان اي جارىلقاسىن!
اياز ءالىن ءبىلىپ،
كۇنەكەي كۇن جارىلقاسىن،
اللاحۋ اكپار!!!

ناۋرىز كەلىپ قار كەتتى،
اق قار، كوك مۇز جۇتاتقان
شارۋا ەلىنەن زار كەتتى.
ناۋرىز كەلىپ جاز كىردى،
جاز پەرىشتە «ءاز» كىردى
كۇنەسكە توسىپ ارقاسىن،
جان بىتكەنگە ناز كىردى.
ارىق — تۇراق ءتورت ت ۇلىك،
كوك جەپ جاپا — تارماعاي
قابىرعا جاپپاي قالماعاي.
كوتەرەمنىڭ ءتورت بۇتى،
ەربەگەي دە سەربەگەي
ەندى شىعىن بەرمەگەي.
بىزگە كەلگەن بالەكەت –
قارمەن بىرگە قاڭعىرىپ،
تاۋدان ارى ورلەگەي،
مۇسىلمان بەتىن كورمەگەي.

ۇلىسىڭ وڭ بولسىن،
اق مول بولسىن.
قايدا بارسا جول بولسىن!
ۇلىس باقتى بولسىن،
ءتورت ت ۇلىك اقتى بولسىن!
ۇلىس بەرەكە بەرسىن،
بالە — جالا جەرگە ەنسىن!

جاڭا جىل باقىت جىلى بولسىن،
مالىڭ توق،
ۋايىم — قايعىڭ جوق بولسىن.
كوگەن تولى قوزى،
جەلى تولى ق ۇلىن بولسىن.
مالىڭ بازارلى،
ۇلىڭ نازارلى،
قىزىڭ اجارلى بولسىن!...
جارىلقا، ءتاڭىرىم، قابىل ەت.
قارىق قىپ قۇتتى ناۋرىز
قۇرداسىڭا – قۋانىش بول
ۋا، جاراتقان، جارىلقا
قۇدايدىڭ ءوزى ءسويتىپ وڭداسىن
مۇزافار الىمبايەۆ
قارىق قىپ قۇتتى ناۋرىز،
قازانعا تولسىن سارى ۋىز.
قايناسىن ناۋرىز كوجە دە،
تولتىرىپ ىشكەي كەزەڭە.
ۇلىستىڭ ۇلى كۇنىندە،
كوپپەنەن بىرگە ك ۇلىمدە.
كوبەيسىن جاڭا دوستارىڭ،
مولايسىن ەلگە قوسقانىڭ.
جاراسىپ كوڭىل حوشتىعى،
بەكىسىن حالىق دوستىعى.
ىشىندە جۇرسە ازعانا،
شايىلسىن وكپە، ناز — نالا.
الدىعا سىيماي سابيلەر،
قۇشاعىن جايسىن جاڭا ۇيلەر.
جاستاردىڭ سامساپ وتاۋى،
مەيىرىم توكسىن وتانى.
اسپەتتەپ اتا ءداستۇرىن،
اسەم بوپ ءوسسىن جاس بۋىن.
كىربىڭ تارتپاسىن كارىلەر،
بارىڭنىڭ ءدامدى ءنارىن بەر!
دۇرلەگەن قازاقستانعا
تاڭعالسىن دوس تا، دۇشپان دا!

ورازاقىن اسقار
نيەتتەرىڭ اق بولسىن،
ناۋرىزدىڭ اقشا قارىنداي.
باستارىڭا ب ا ق قونسىن،
شاشىڭنىڭ بارلىق تالىنداي.
ساناسى ءوسىپ ادامنىڭ،
كوڭىلدە كىر قالماسىن.
قۇتى قاشىپ جاماننىڭ،
جاقسى تاپسىن جالعاسىن.
تىنىش بولسىن دالامىز،
تۇگەل بولسىن نۋىمىز.
تازا بولسىن اۋامىز،
تۇنىق بولسىن سۋىمىز.
قاتىگەزدىك جوق بولسىن،
ورالماسىن كەز وگەي.
كىرىسىمىز كوپ بولسىن،
بۇگىنگى ناۋرىز كوجەدەي.
اللاھۋ اكپار!

ۇلىس كۇنىنە ارنالعان حالىق ولەڭدەرى

ناۋرىز باتا

ءجيى قويىلاتىن سۇراقتار

ناۋرىز كوجە الدىندا قانداي باتا بەرىلەدى؟

ناۋرىز كوجە ىشەر الدىندا « ۇلىس وڭ بولسىن، اق مول بولسىن!» دەپ باستالاتىن ءداستۇرلى باتا ايتىلادى.

« ۇلىس كۇنى» دەگەنىمىز نە؟

ۇلىس كۇنى — ناۋرىزدىڭ حالىقتىق اتاۋى، جىل باسى. بۇل كۇنى ەل بىر-بىرىنە « ۇلىس وڭ بولسىن!» دەپ تىلەك ايتادى.

ناۋرىزدا باتا كىم بەرەدى؟

ناۋرىز داستارحانىندا باتانى اۋىلدىڭ نەمەسە شارانىڭ ەڭ ۇلكەنى بەرەدى.

ۇقساس بولىمدەر

• قازاقتىڭ باتا-تىلەكتەرى: اق باتا مەن تىلەك سوزدەردىڭ تولىق جيناعى
• توي باتاسى: ۇيلەنۋ جانە ۇزاتۋ تويىنا ارنالعان باتا-تىلەكتەر
• تۋعان كۇنگە تىلەكتەر: 18، 25، 40، 50، 70 جاسقا ارنالعان باتا-تىلەك
• داستارحان باتاسى: اس باتاسى، ونىڭ ءماتىنى جانە ايتىلۋ رەتى
• ءدىني باتالار: ايت، قۇربان ايت جانە دۇعا تۇرىندەگى باتالار
• بالاعا باتا: شىلدەحانا، سۇندەت تويى، ۇل مەن قىزعا ارنالعان تىلەكتەر
• اتاقتى ادامداردىڭ باتالارى: جىراۋ، بي، باتىر جانە اقىندار باتاسى
• 8 ناۋرىزعا ارنالعان قۇتتىقتاۋلار مەن تىلەكتەر
• جاڭا جىلعا ارنالعان قۇتتىقتاۋلار مەن تىلەكتەر
• مەكتەپ بىتىرۋشىلەر مەن ءبىلىم كۇنىنە ارنالعان تىلەكتەر
• مەرەكەلىك قۇتتىقتاۋلار: استانا كۇنى، ارىپتەستەرگە جانە 1 ماۋسىمعا تىلەك
• جولاۋشىعا، كوشكە جانە مال-جانعا بەرىلەتىن باتا