InfoHub Logo

بريتان عالىمدارى روبوتتار ادامداردىڭ جۇمىس ورنىن قانشالىقتى باسا الاتىنىن ەسەپتەدى. كەلەشەك كوڭىل كونشىتپەيدى: اقش-تىڭ وزىندە العاشقى ونجىلدىقتا ماماندىقتاردىڭ 47%-ى تولىقتاي اۆتوماتتاندىرىلعان بولۋى مۇمكىن.

زەرتتەۋمەن Oxford Martin School عالىمدارى اينالىسقان – بۇل وكسفورد ۋنيۆەرسيتەتىنىڭ ءبولىمى. اقش-تاعى ماماندىقتاردىڭ 700-دەن استام وكىلىن باسشىلىققا الىپ، ماماندار ولاردى بىرنەشە كريتەريا بويىنشا قاراستىرعان: ءبىلىم دەڭگەيىنەن باستاپ – تاپسىرما ورىنداۋ بارىسىنداعى شىعارماشىلىق ەلەمەنتتەرىنە دەيىن. ولاردىڭ جارتىسىنا جۋىعى، 47% جۇمىس ورنى، زەرتتەۋ جۇمىسىنىڭ ناتيجەسى بويىنشا اۆتوماتتاندىرىلعان بولۋى مۇمكىن.

عالىمدار مۇنىڭ ءبىر سەبەبى اقش-تاعى جوعارى بىلىمگە قول جەتىمدىلىكتىڭ تومەندىگى دەپ اتايدى. سونىمەن قاتار، تەحنولوگيانىڭ دامۋىمەن كوپتەگەن جۇمىستاردى روبوتتارعا بەرۋ تيىمدىرەك – ەكونوميكا جاعىنان دا، پايدا اكەلۋ جاعىنان دا. ءبىرىنشى كەزەكتە مەحانيزمدەر ەڭبەك نارىعىنان كولىك سالاسىنىڭ وكىلدەرىن (اۆيساسيادا 18%-دان كوشەدەن قوقىس شىعارۋدا 93%-عا دەيىن) جانە قوعامدىق تاماقتاندىرۋ وكىلدەرىن (مەيرامحانا اسپازشىسى مامانىنىڭ 96%-ىن)؛ جانە ءتىپتى سوت ماماندارىنىڭ 40%-ى، زەرتتەۋ اۆتورلارىنىڭ پىكىرىنشە، جاساندى ينتەللەكتپەن الماستىرىلا الادى. الماستىرۋعا كەلمەيتىن ماماندىقتاردىڭ ىشىندە – باستاۋىش سىنىپ مۇعالىمدەرى مەن بي جاتتىقتىرۋشىلارى (0،4%)، دارىگەرلەر (سالاسىنا بايلانىستى كورسەتكىشتەر 0،3%-14% ارالىعىن قامتيدى) جانە كومپيۋتەر جۇيەسىن قۇراستىرۋشى جۇيەلىك ساراپشىلار (0،6%). ءوز جۇمىس ورنىڭنىڭ كەلەشەگىن، امەريكالىق جۋرناليستەر زەرتتەۋدىڭ ءتۇپنۇسقاسىنا نەگىزدەلىپ جاساعان ونلاين-قۇرىلعى ارقىلى تەكسەرىپ كورۋگە بولادى.

مەملەكەتتىڭ تەڭ جارتىسى جۇمىسسىز قالماس ءۇشىن، عالىمدار ءبىلىم بەرۋ جۇيەسىن قايتا باعدارلاۋدى ۇسىنادى، ونىڭ ۋاقىت سۇرانىسىنا دايىن ەتۋ كەرەك دەيدى. ولار مۇنىڭ ءبارى – ادامزات دامۋىنىڭ زاڭدى كەزەڭى دەپ ەسكەرتەدى. 18-19 عاسىرداعى وندىرىستىك توڭكەرىس ناتيجەسىندە قول ەڭبەگىن مەحانيكالاندىرىلعان ەڭبەك ىسىردى، سونىڭ سالدارىنان ادامدار جاڭا ماماندىقتاردى ۇيرەنۋىنە ءماجبۇر بولدى. 21 عاسىردا جۇمىسشىلاردىڭ كوبى تەحنيكانى باسقارۋمەن عانا اينالىساتىن بولادى، ال ولار سايكەسىنشە كوپتەگەن تاپسىرمالاردى وزدەرىنە الادى. مۇنى جوققا شىعارۋدىڭ ەش ءمانى جوق، كەرىسىنشە جاعدايعا الدىن الا دايىن بولعان دۇرىس.

ءبىراز ۋاقىت بۇرىن زاماناۋي ۇلى عالىم ستيۆەن حوكينگ روبوتتاردىڭ ادامداردى تولىقتاي جەڭەتىنىن بولجاعان: دەگەنمەن، بۇل جاقىن ارادا بولمايدى. ءبىراق ءقازىردىڭ وزىندە ۇيقى مەن كۇيزەلىس روبوتتارى ءقوناقۇي جۇمىسشىلارىن الماستىرا الادى، جول قوزعالىسىن رەتتەي الادى، كولىك جۇرگىزىپ، باسقا دا زاتتاردى ىستەي الادى. 

---