InfoHub Logo

Танымал әнші Ерке Есмаханның шығармашылығында жаңалықтар күтіп тұрғаны белгілі болды. Әншінің айтуынша, ақын Қайнар Алагөзов бірнеше күн бойы оның үйінде болып, бірлескен жобаларға дайындық жасаған.

Бұл туралы Infohub.kz ақпарат агенттігі хабарлайды.

Жаңа шығармашылық кезең

Ерке Есмахан әлеуметтік желідегі парақшасында ақын Қайнар Алагөзовпен бірге жаңа жобаларға кіріскенін хабарлады. «Бірінші ақпаннан алтыншы ақпанға дейін Қайнар Алагөзов Алматыға келіп, біздің үйде болды. Қайнар екеуміздің басымыз қосылғаны, өнерімде жақсы жаңалықтар болады деген сөз. Алла бұйыртса», - деп жазды әнші.

Ақынның үлесі

Естеріңізге сала кетейік, Ерке Есмаханның орындауындағы көптеген хит әндердің сөзін ақын Қайнар Алагөзов жазған. Әншінің сөзіне қарағанда, бұл жолы да тыңдармандарды қуантатындай жаңа туындылар көп ұзамай жарық көреді деп күтілуде.