InfoHub Logo

Мазмұнды – рольдік ойын
Тақырыбы: «Атаба» супермаркеті
Мақсаты: Балаларға «Атаба» супермаркеті туралы білімдерін кеңейту, азық - түлік тағамдарының түрлерін білуге ойын арқылы ойнауға икемділіктерін дамыту. Желілі рольді ойында, рольдерге бөлініп ойнау, сатушы мен тұтынушылардың арасында қарым – қатынас жасай алуға, сатып алу мен ақшаның құнын білуге, бір – біріне көмектесуге, қамқорлыққа, достыққа тәрбиелеу.
Көрнекіліктер: касса, қағаз ақшалар, фирмалардың аттары, сүт, нан, жеміс, кәмпит тағамдарының түрлері, қорапшалар мен себеттер, сатушылардың алжапқыштары т. б.

Ойынның жүру барысы:
Жүргізуші бала: Құрметті ханымдар мен мырзалар! Бүгін, бізде жаңа «Атаба» супермаркетінің ашылу салтанатына хош келдіңіздер. Мұнда сіздердің қалағандарыңыздың бәрі сатылады, осы заттарды сатып алуға асығыңыздар, келіңіздер, көріңіздер, алыңыздар! «Атаба» супермаркетіне шақырамыз!
«Алтын алма» фирмасы - Мөлдір.
Бізде тәтті жемістер,
Жемісті жесең бой өсер.
Дәрумендер сенің бойында,
Жесең оны дәмі бал!
«Алтын алма» жеміс – жидектер фирмасынан келген жемістерді сатып алыңыздар!
«Рахат» фирмасы - Эльдар.
Тәттіге балалардың бәрі құмар, «Рахат» фирмасы қажетіңе жарар.
Ирис, барбарис, шокалад, арахис бар,
Тектен - текке бермеймін
Болса егер ақшалар.
«Рахат» фирмасынан келген тәтті кәмпиттерді сатып алыңыздар.
«Айналайын» фирмасы - Айымгүл.
Сүт, айран, қаймақ қашанда,
Дастарханның мәзірі.
Үш кесе ішсем күнде де,
Тәтті дәмі қашанда.
«Айналайын» сүт фирмасынан келген сүт тағамдарын сатып алыңыздар.
«Заман - нан» наубайханасы - Алихан.
«Заманнан» наубайханасынан,
Әкелінді ыстық нан.
Қалаш нан, тоқаш, тәтті нан,
Ауызға салар дәмінен ал.
«Заманнан» наубайханасынан келген ыстық тәтті нан сатып алыңыздар.

Балалар әр орталық бөлімдеріне кезекпен тұра, өз қалаған тағамдарын сатып алады. Сатушыларда, тұтынушыларда мәдениеттілік пен әдептілікті сақтап, амандасу, рахмет айтуды, қоштасуды ізеттілікті білдіре білуге дағдыландыру. Сатушылар тұтынушылардың тағамдарын салафан қапшықтарына салып орап береді. Тұтынушылар кассаға кезекке тұрып ақшаларын береді, кассир олардың төлемін қайтарады. Ойын мазмұны жалғасады, балалар рольдерді бөліп ала кезекпен ойнауға ынталанады.