InfoHub Logo

Атырауда бүтін бір отбасының қазасына себепкер болды деген күдікпен ұсталған Сұлтан Сәрсемәлиевке қатысты сот процесі басталды. Істі тергеген полиция өкілі Ақбаян Мұқанғалиеваның жағдайы туралы айтып берді.

Бұл туралы Infohub.kz ақпарат агенттігі хабарлайды.

Іс бойынша тергеу барысы

Атырау облысы полиция департаменті тергеу басқармасының аса маңызды істер жөніндегі аға тергеушісі Темірхан Қажымұратовтың айтуынша, қылмыстық іс бойынша 40-тан аса адамнан жауап алынған. Олардың қатарында марқұмдардың туыстары мен көршілері де бар.

Тергеушінің мәліметінше, Ақбаян Мұқанғалиеваға қатысты қылмыстық іс қозғаудан бас тартылған. Оған себеп – тергеу барысында оның қылмысқа қатысы жоқ екені анықталған.

Ақбаянның жағдайы

Тергеуші Темірхан Қажымұратов Ақбаян Мұқанғалиеваның жағдайына қатысты да мәлімет берді. Оның сөзінше, Алматыға жеткізілген кезде Сәрсемәлиев қылмыс жасағанын бірден мойындаған. Алайда, Ақбаян сұрақтарға жауап бере алмаған.

«Мұқанғалиевамен сөйлесу барысында психикалық ауытқулар бар екені байқалды. Сол себепті тергеу әрекеттерін жүргізу мүмкін болмады. Сұрақтарға толыққанды жауап бере алмады», – дейді тергеуші.

Күдікті деп танылған Ақбаян кейіннен медициналық ұйымға орналастырылған.