«Байқоңырды жалға бергенімізбен, азаматтарымызды жалға берген жоқпыз!»
Биылғы оқу жылынан бастап, Байқоңырдағы 6 мектеп қазақстандық білім беру стандартына көшкен болатын. Бүгін Орталық коммуникациялар қызметінде өткен баспасөз мәжілісінде Қызылорда облысы әкімінің орынбасары Руслан Рүстемов мектептер қазақстандық стандартқа көшкелі мұғалімдердің жалақысы көбейгенін айтты, деп хабарлайды Baq.kz тілшісі.
«Биылғы жаңа оқу жылынан бастап, 6 мектеп және бір балабақша қазақстандық білім беру стандартына көшті. Айта кетерлігі, қазақстандық стандартқа көшкелі 6 мектеп пен балабақша да соңғы үлгідегі жаңа теxнологиямен қамтамасыз етілді. Оған қаржы облыстық бюджеттен бөлінді. Осында жұмыс істейтін ұстаздар мен тәрбиешілердің жалақысы Ресейдегі стандартпен оқыған кездегіден өскені байқалады», - деді Қызылорда облысы әкімінің орынбасары.
Оның айтуынша, қазіргі кезде Байқоңырдағы 6 мектепте 4755 бала білім алады. Ал бір балабақшада 177 бала өзіміздің жүйе бойынша білім алуда. Енді, ол мектептерді күрделі жөндеуден өткізу, материалдық жағдайларын жақсарта беру назарда бола береді.
«Бұл жөнінде облыс әкімі Қырымбек Көшербаевтың жақсы ұстанымы бар. «Біз Байқоңыр ғарыш айлағын жалға бергенімізбен, азаматтарымызды жалға берген жоқпыз» , деген болатын. Бүгінгі күні Байқоңырда 40 мыңнан астам Қазақстан азаматы бар.Олар болашақта мемлекеттен тиісті әлеуметтік көмектерін ала беретін болады», -дейді облыс әкімінің орынбасары.
Айта кетейік, Байқоңырда жалпы білім беретін 14 мектеп бар. Онда 9000-ға жуық оқушы білім алады. Оның ішінде алтауы қазақ мектебі.
You Might Also Like
-
1492 ж Кристафор Колумб тарапынан ашылды деп білінетін Америка құрлығы негізінде мұсылмандар тарапынан табылған. Бұған байланысты көптеген деректер бар. Бірнеше мысал келтірейік:
-
Диетология мамандары салмақ артуын тоқтатуда немесе салмағын тұрақтандыруда денсаулық және тері үшін өмірлік маңызды болған азықтарды елеусіз қалдырмауға кеңес береді.
