Бір жиылыста Бағаналы Ерден батырға атақты Шөже ақын өлең айтыпты
Сондағы Шөженің өлеңі:
Ақылмен жеңіп алдың айлаланы,
Қамшымен ұрып алдың найзалыны.
Атадан артық туған батыр Ерден,
Жеңіп алдың Аққошқар, Сайдалыны.
Сонда үйінің төрінде жатқан Ерден басын көтеріп алып баласы Бимендеге: мынаған бір нәрсе бер депті. Шөже өлеңін тоқтатпай:
Құлын берсең сүттен кете алмайды,
Тай берсең жеріне жете алмайды.
Құнан берсең жер|не жетер еді,
Күзді күні тісеу болып ет алмайды.
Шөже былай деген соң Ерден баласына «ендеше бұған бір байтал бер» депті. Шөже тағы бөгелмей:
Ердеке, не айтарға, не қайтарға?
Енді менде жауап жоқ көн айтарға.
Баладан байтал болса, сізден сәурік:
«Ерден көктің үйірі» ден айтарға —
депті деседі.
1926 жыл
You Might Also Like
