Британия шетелдік студенттерге диплом алған соң 2 жыл жұмыс істеуге рұқсат етеді
Британия Үкіметі 2020 жылдан бастап, университетті тәмамдаған шетелдік студенттерге 2 жыл елде қалуға және жұмыс істеуге рұқсат етеді. Осылайша Премьер Борис Джонсон экс-Ішкі істер министрі Тереза Мэй енгізген иммиграциямен күрес тәсілдерін тоқтатты, деп ВВС хабарлайды.
Университетті аяқтап, диплом алған шетелдік студенттер бұрын Британияда 2 жыл қалып, жұмыс істей алатын еді. 2012 жылдан бастап Тереза Мэйдің шешімімен бұл мерзім 4 айға шектелді.
2012 жылы премьер-министр Дэвид Кэмерон жылына Британияға келетін жүз мың адамның санын он мыңға азайтуға уәде беріп, Ішкі істер министрі Тереза Мэй миграцияны іс жүзінде шектеуге көшті.
Дегенмен, көп ұзамай ел Үкіметінің бұл саясаты құрдымға кетті. Британия Еуроодақтың құрамында болғандықтан, одақтың кез келген елінің азаматы емін-еркін кіріп-шығу құқығына ие. 2012 жылдың басында ғана азайған миграция, кейін бірден өсіп, жылына келетін адамдар саны 260 мыңға артып кетті.
Шілдеде Борис Джонсон премьер-министр қызметіне келген соң, ережені өзгертті. Тұрғылықты қалу немесе еңбек ету визасы Еуроодақтан Британияға шығып кетсе де, одақ елдеріне бірдей берілетін болды.
Қазіргі таңда Британияда бас-аяғы 460 мың шетелдік студент оқиды, олар жылына 20 миллиард фунтқа дейін пайда әкеледі.
You Might Also Like
-
Бақыт деген әр күніңе шүкіршілік ету.Уақыт зымырып өтіп кетіп жатыр,сол уақыттағы бақытты сәттер ұмытылмайды .Меніңше әрбір адам өзін бақытты ете алады,әрине еңбек керек.Кейде бақыт үшін ...
-
Алжир жұртының патшасы Бауақас деген қол астындағы қалалардың біреуінде бір данышпан қазы бар, онан өтірік айтып ешкім құтыла алмайды, даугердің қайсысының ісінің ақ екенін айтпай табады деп есітіп...
