КТФ / Андрей Ударцев
Елена Рыбакина Германиядағы WTA-500 турнирінің жартылай финалына шықты
Қазақстанның бірінші ракеткасы Елена Рыбакина Германиядағы Штутгарт қаласында өтіп жатқан WTA-500 турнирінің ширек финалында канадалық Лейла Фернандесті (әлемдік рейтингте 25-орында) жеңіп, жартылай финалға шықты. Бұл туралы Tengri Sport хабарлайды.
Порше-Арена кортында өткен кездесу 3 сағат 2 минутқа созылды. Рыбакина қарсыласын 6:7 (5:7), 6:4, 7:6 (8:6) есебімен жеңді. Ол кездесуде жеті эйс жасап, сегіз қос қате жіберсе, Фернандес алты эйс пен алты қос қате жасаған.
Турнирдің алғашқы кезеңінде қазақстандық теннисші әлемнің 19-ракеткасы, ресейлік Диана Шнайдермен кездесіп, 6:3, 6:4 есебімен басым түскен болатын. Ал Фернандес бұған дейін түркиялық Зейнеп Сенмезді (WTA рейтингінде 79-орында) жеңген еді.
Жарыстың финалына шығу үшін қазақстандық спортшы әлемнің тоғызыншы ракеткасы, ресейлік Мирра Андреевамен кездеседі.
Штутгарт турнирі 13-19 сәуір аралығында өтуде. Турнирдің жүлде қоры 1,2 миллион доллар немесе 570 миллион теңгеден асады. Елена Рыбакина бұл турнирде 2024 жылы да жеңімпаз атанған.
-
Петропавл қаласының орталығындағы Конституция көшесінде жүргізіліп жатқан реконструкция жұмыстары кезінде көпжылдық ағаштардың кесілуі жергілікті тұрғындардың наразылығын тудырды.
-
Kazakhstan's top tennis player, Elena Rybakina, has secured a spot in the semifinals of the WTA-500 tournament in Stuttgart after a hard-fought victory.
