Елордалық 5 дарынды оқушы миллионер атанады
3 қазанда М.Өтемісов атындағы Оқушылар сарайында Астана қаласының мектептерінде оқитын, аз қамтылған отбасылардан шыққан 5 дарынды оқушыға жалпы көлемі 5000 еуроны құрайтын грант тапсырылады.
Шара ел Тәуелсіздігінің 25 жылдығына арналған «25 ізгі іс» жобасы аясында қолға алынды, деп хабарланды қалалық білім басқармасынан.
Қайырымдылық шараның демеушісі Қазақстан Республикасының Баден-Вюртемберг жеріндегі құрметті консулы, Германия іскер әйелдері қауымдастығының мүшесі Доротея Халлер-Лайбле.
Айта кетейік, 2015 жылдың 22 қазанында ГФР өкілдігінде Қазақстанның Германиядағы елшісі Болат Нүсіпов ҚР сыртқы саясатын дамытуға қосқан үлесі үшін Доротея Халлер-Лайблені Нәзір Төреқұлов атындағы медальмен марапаттаған болатын. Ол 2005 жылы Қазақстан мен Германия арасындағы ынтымақтастықты нығайтуға және кеңейтуге елеулі үлесін қосты.
Нәзір Төреқұлов атындағы медаль 2003 жылы ҚР Үкіметінің қаулысымен белгіленген және Қазақстан Сыртқы істер министрлігінің сыртқы саясатқа және екіжақты байланыстарды нығайтуға қосқан үлесі үшін берілетін жоғары марапаты саналады.
You Might Also Like
-
Әрбір мектеп бітіруші жанның шәкірттік бейнесін ешбір фотосуретшінің көмегінсіз-ақ сана түкпірінде сақтап қала алатын бір жан бар болса, ол - оның ұстазы. Ұстаз - өзінің есейген шәкіртімен жүздесіп...
-
Анафилактикалық шок (АШ) (коллапс) – әсіре сезімтал организмде антигеннің әсерінен пайда болатын өте жедел және жүйелі реакция. Бұл аллергиялық реакциялардың I түріне жатады, гемодинамиканың ...
