InfoHub Logo

Сабақтың тақырыбы: «Ең кішкентай математик» (танымдық ойын - сабақ)
Сабақтың мақсаты:
Білімділігі: Оқушылардың математикалық білімдерін тексеру, алған білімдерін пысықтау әрі тереңдету.
Дамытушылығы: Берілген өлең - есептер, ертегі есептер, сөзжұмбақ, жұмбақ, логикалық есептерді шешу арқылы ойлау қабілеттерін
дамыту.
Тәрбиелілігі: Пәнге қызығушылығын арттыру, оқушылардың өз ойын
еркін айта білуге қалыптастыру. Оқушыларды ауызбіршілікке, ұйымшылдыққа тәрбиелеу.
Сабақтың түрі: Танымдық ойын - сайыс сабақ
Сабақтың әдісі: Сұрақ - жауап, ізденушілік, ойын, ойландыру, құрастыру
Көрнекілігі: Сөзжұмбақ, интербелсенді тақта, ертегі есеп, өлең есеп, слайд.

Сабақтың барысы:
Ұйымдастыру бөлімі.
- Құрметті ұстаздар, оқушылар! Сіздер 3 - 4 - сыныптар арасында өтетін «Ең кішкентай математик» ойын - сайыс сағатына қош келдіңіздер! Сайысымыздың негізгі мақсаты әртүрлі математикалық ойын тапсырмаларды орындау арқылы алған білімдерін пысықтау, білімдерін одан әрі тереңдету.
Тапсырмалардың жауаптарын дұрыс айтуларыңыз керек. Әр дұрыс айтылған жауаптарға бір ұпайдан қосылып отырады. Сайыста ұпайды көп жинаған оқушы ««Ең кішкентай математик» номинациясына ие болады.
Шын жүйрік шабысынан танылады
Нақты білім, терең ой сыналады.
Баға берер әділқазы ортамызда
Сіздерге құрметпенен қол соғылады. (Әділқазылар алқасымен таныстыру).

- Қымбатты білім сүйгіш жас достар! Орыс ғалымы М. Ломоносов «Ақыл - ойды тәртіпке келтіретін – математика»,- деген. Олай болса, бүгін сендер қызықты, математиканың жұмбақты да, тартымды әлемімен танысасыңдар. Сендер бұл әлемнің қаншалықты қызықты, әрі сан түрлі екендігіне көз жеткізесіңдер. Сайыс кезінде өте ұқыпты, ойларың жинақ - талған болу керек және тәртіп сақталғаны жөн.
- Топтар сайысқа түспес бұрын берілген қиықтардан фигура құрастыру керек. (үшбұрыш, төртбұрыш)
Бүгінгі сайыста сынға түсетін екі топпен таныстырып өтейін.
І топ - «Үшбұрыш» тобы
ІІ топ - «Төртбұрыш» тобы
Ой арманын кешетін,
Ақылды бол өсетін.
Есепке тұнған әлемнің,
Жұмбақ сырын шешетін,
Білімділер келді ортаға, - деп топтарды ортаға шақырамыз.

ІІ. Негізгі бөлім.
І. Сөзжұмбақ шешу.
1. Барлық қабырғалары тең тіктөртбұрыш
2. Үштің квадраты
3. Оқушы құралы.
4. Баспана
5. 45+45
6. Шексіз сызық

2. Мақал - мәтелдер:

І топ – «Үшбұрыштар»
1. Айла —...,
Ақыл —....

2. Оқығанның көзі....

3. … тентек кездессе,
Төбелеспен тарқайды.
… мылжың кездессе,
Ерегіспен тарқайды.
… жақсы кездессе,
Елжіресіп тарқайды.

4. … қошқардың басы
… қазанға сыймас.

5. Семіздің аяғы ….

6. … қойдың терісі
Тон шықпаған Толағай.
… қойдың терісі
Жең шықпаған Толағай.

7. Қойға … құлағынан
Басқаның бәрі жау.

8. Ешкі қырыққан сайын … өледі,
Ер жігіт ұялған сайын … өледі.

9. … аяқтыда — бажа тату,
… аяқтыда — бота тату.