InfoHub Logo

І кіші топ
Еңбек - бәрін де жеңбек
Мақсаты:
Балаларды еңбектің адам өміріндегі мәні туралы түсінік беру.
Еңбек етуге деген қызығушылықтарын, ой - қиялын, тілдерін дамыту.
Еңбексүйгіштікке тәрбиелеу.
Көрнекті құралдар: сюжетті суреттер, нан, дирмен, бидай, ұн, тоқаштар.

Шаттық шебері.
Балалар тәрбиешімен бірге шеңбер құрып тұрады, сәлемдеседі.
Амандасу.
Біз әдепті баламыз,
Біз ерекше боламыз,
Қонақтарды көргенде,
Сәлеметсіздер ме! – деп сәлемдесіп аламыз.
Балалар жылдың қай мезгілі?
Қыс.
Қыс мезгілінің неше айы бар?
Үш айы бар; желтоқсан, қаңтар, ақпан.
Ауа - райы қандай болып тұр?
Балаларға жаңа сабақты түсіндіру.
Біз бүгін жаңа сабақта еңбек жайлы білетін боламыз.
Тақтадан еңбек туралы суреттерді көрсетіп түсіндіру, сұраққа жауаптар алу.
Еңбек түрлері көп: жазғы еңбек, күзгі еңбек, қысқы еңбек және көктемгі еңбек болып бөлінеді.
Әр мезгілдің өзіне тән ерекшеліктері бар екен.

Әңгімелесу
Еңбек дегеніміз – адамның өмір сүруі үшін қажетті іс – әрекеттер.
- Еңбек түрлерін білесіңдер ме?
- Еңбек ету адамға қажет деп ойлайсыңдар ма?.
(халық мақалы)
Бақдаулет. Қырға шықсаң өрлеп,
Мұның аты - Еңбек.
Айзере. Кесте тіксең зерлеп,
Мұның аты - Еңбек.
Бақжан. Сабағыңа жөндеп,
Әзірленсең - Еңбек.
Нұрасіл. Гүл отырғызсаң терлеп,
Мұның аты - Еңбек.
Жақсат. Қиындықтың бәрін,
Еңбек қана жеңбек.
«Әли мен Аян, талқан нан» туралы ертегі.(компьютерден көрсету)

Сахналау.
Балалар көрген ертегіні сахналайды.(әже, бала, қыз)

Дәйек сөздер:
Әмина. Бақыт кілті - Еңбекте.

Мақал - мәтелдер:
Сұңқар. Еңбектің наны тәтті,
Жалқаудың жаны тәтті.
Мирас. Еңбек етсең ерінбей,
Тояды қарның тіленбей.
Кәусар. Еңбек ер атандырады.
- Балалар ендеше орнымыздан тұрып бойымызды сергітіп алайық.

Сергіту сәті:
«Көңілді күн» әуеніне би қимылдар келтіру. (Қимылмен көрсету)
- Ойын: «Ормандағы аю»
Шарты: Балалар орманға барып құлпынай тереді, ұйықтап жатқан аюды оятып алады, аю балаларды қуалайды. Балалар өздерін бақытты сезініп қуанады.

Қорытындылау:
Балалар біз не жайлы білдік?
Еңбек түрлерін атап беріңдер?
Нан қандай еңбекпен келді?
Еңбектенген адам мұратына жетеді.

Алматы облысы, Райымбек ауданы,
Кеген ауылы, «Балбөбек»бөбекжай балалар бақшасы
тәрбиешісі: Рахима Байбосынова