Есінеуде, есінеу бір екен-ау
Ақылсыз, қызғаншақ бір жігіт қонақ жігіттен әйелінен күдіктеніп екеуінің бетіне алма-кезек қарап отырыпты. Бір кезде жігіт қатты есінепті. «Қоланның қасынуына, масаның басуы» дегендей келіншек те қоса есінепті. Сонда күйеуі орнынан атып тұрып:
— Сен мынамен көңілдес болмасаң, неге бірге есінейсің? — деп келсапты жіберіп қап, келіншегінің жылыншігін шағыпты. Оташы шақырылып, ауылдың үлкен-кішісі жиналып келіп отырғанда, бір кемпір есінепті. Оған ілесе әлгі ақылсыз жігіт те есінепті. Сонда ол өкіріп жылап:
— Есінеуде, есінеу бір екен-ау, есіл де менің келіншегім кем болып қалды-ау, — деп дауыс айтқан екен.
You Might Also Like
-
Бір өкпеші бала болыпты, әке-шешесі оған көп ақыл айтыпты, ұрысып та көріпті. Бірақ бала өзінің өкпешіл жаман әдетін қоймапты. Ақыры әке-шешесі ел ішіндегі бір ақылгөй адамнан ақыл сұрапты. Алайда ...
-
Екі ауыл жерге таласып төбелесіп, бір жақтың жігіттері таяқ жеп қайтса керек, таяқ жеген ауылда бір алкеуделеу жігіт бар екен, ол төбелеске қатынаса алмай қалыпты да, жеңіліп қайтқан жігіттерге:
