InfoHub Logo

Германияда Ресей пайдасына тыңшылық жасады деген күдікпен ұсталған Қазақстан азаматына қатысты жағдайға Қазақстан Сыртқы істер министрлігі (СІМ) түсініктеме берді.

Бұл туралы Infohub.kz ақпарат агенттігі хабарлайды.

Ведомствоның мәліметінше, министрлік Германияның тиісті органдарына ресми сауал жолдаған. Қазіргі уақытта жауап күтілуде және бұл мәселе министрліктің бақылауында.

Германиядағы жағдай

Бұған дейін Германия Федералдық прокуратурасы 28 сәуірде Берлинде Қазақстан азаматының ұсталғанын хабарлаған болатын. Ол шетелдік барлау қызметінің мүддесінде жұмыс істеді деген күдікке ілінген.

Күдікті қазақстандықты 29 сәуірде тергеу судьясының алдына жеткізіп, оның бұлтартпау шарасы туралы шешім қабылданады деп жоспарланған.