Жұма күні бұл үйде не сен тұрасың, не мен тұрамын
Қожа жер ортасынан асқан жаста бәйбішесімен бірге жатпай, бөлек жатуды шығарыпты. Мұны бәйбішесінің жақтырмай жүргенін қабағынан байқаған Қожа бір күні:
— Ренжіме, қатын, жұма күні бірге жататын болайық. Бірақ мен жұма күнін ұмыта беремін, — дейді.
Қожа сөзін бәйбішесі құптап:
— Керегеде ілулі тұрған сәлдеңді жұма күні мен жүктің үстіне қояйын, күн жұма екенін содан білерсің, — дейді.
Бәйбіше сәлдені жүктің үстіне қоюды жиілетіп жіберсе керек. Соны сезген Қожа бір күні жүктің үстінде тұрған сәлдесіне қарап:
— Жұма күні бұл үйде не сен тұрасың, не мен тұрамын. Сен жүктен түскенше, мен есегімнің қасына барып жата тұрам, — деп үйден шығып кетіпті.
You Might Also Like
-
Қожанасыр би болып тұрған кезінде де кедейліктен құтыла алмапты. Басқаны былай қойғанда, үйінде шай ішетін шынысы да жоқ екен. Біреу бір шыны тарту етіп, Қожамен дос болады.
