Мектептерге «Назарбаевтану» пәні енгізілуі мүмкін
Жақын арада қазақстандық жалпы және орта білім беретін мектептерде «Назарбаевтану» пәні енгізілуі мүмкін, - деп хабарлайды Tengrinews.kz. Бұл идеяның авторы Шымкент университетінің профессоры, экономика ғылымдарының кандидаты Нұрәлі Өткелбаев екен.
Профессор өзінің бұл жобасын ҚР Білім және ғылым министрлігіне ұсынып, министрліктің құптаған жауабын алғанын «Оңтүстік Қазақстан» газеті жазды.
Профессор Өткелбаевтың зерттеуінше, Қазақстан Президентінің түрлі мінберлерде жасаған мәлімдемелері, баяндамалары, жолдаулары әм сұхбаттары, ғылыми-әлеуметтік мақалалары 101 томды құрапты.
«Қазақстан Президентінің жолдаулары еліміздің саяси, экономикалық әм қоғамдық-әлеуметтік өмірі үшін үлкен рөл атқаратын, жаңа мемлекетті құруда жарқын жетістіктерге жетелейтін аспектілерді қамтиды. Елбасымыздың идеялары жаһандық әм планеталық сипатқа ие», — дейді Өткелбаев мырза.
You Might Also Like
-
Шетелдіктердің білім жүйесі, білім әдістемесі туралы пікірлеріне тым еліктеудің қажеті жоқ. Академик Асқар Жұмаділдаев осылай мәлімдеді деп хабарлайды Алматы арнасы.
-
Осы жылы ҚР Қорғаныс министрлігінің бастамасы бойынша барлық азаматтық жоғары оқу орындарындағы әскери кафедраларда студент қыздарға арналған мамандықтар ашылды, деп хабарлайды ҚР ҚМ баспасөз қызметі.
