InfoHub Logo

Танымал кинопродюсер әрі актриса Дариға Бадықова әлеуметтік желідегі парақшасында жаңа жазба жариялады. Онда өнер иесі жақында шыққан «Таптым ау сені-3» фильмін көруге шақырып, өзінің ішкі толғаныстарын білдіргендей болды.

Бұл туралы Infohub.kz ақпарат агенттігі хабарлайды.

Актрисаның «Мен кінәлімін бе?» деген сұрағы мен «Отбасым үшін бәрін жасадым…» деген сөздері көпшіліктің назарын аударып, әртүрлі пікірлерге жетеледі. Желі қолданушылары Дариғаның бұл жазбасының астарында қандай мән жатқанын, оның жеке өмірінде немесе шығармашылық жолында қандай да бір қиындықтар бар ма деген сауалдарды төңіретіп талқылауда.

Актрисаның бұл сөздері оның жаңа фильміне қатысты бір философиялық ойды білдіре ме, әлде жеке өміріндегі жағдайларға байланысты айтылған ба, әзірге белгісіз. Дегенмен, бұл жазба көпшіліктің ойына түсіп, оның шынайылығы мен тереңдігімен ерекшеленді.