Мынаның әкесі ме, әлде біреудің текесі ме
Кеш батып бара жатқан мезгіл болса керек. Алыс жолдан келе жатқан екі жігіт бір зираттың жанынан өтіп бара жатқанда, біреуі екіншісіне: «Мынау менің әкемнің зираты еді, түсіп құран оқи кетейік» деп аттарынан түседі. Олар зираттың жанына тізерлеп отыра қалып: «Ағузу...» енді созақтата бергенде зират ішінен «ба-а-ақ» деп бақырған дауыс шығады. Екі жігіт оқи бастаған құрандарын доғара сала, аттарына мініп тұра қашады.
Олар сасқалақтай безіп келе жатқанда, анадай жерде келе жатқан біреу көлденеңдей тұра қалып:
— Ей, жігіттер, кескегі бар, құрттаған ақ теке көрген жоқсыңдар ма? — деп айғайлапты. Сонда өлген әкесіне құран оқыған жігіттің жолдасы:
— Ей, мынаның әкесі ме, әлде біреудің текесі ме, әйтеуір зираттың ішінде бірдеңе бақырып жатыр, — деп жауап беріпті.
You Might Also Like
-
Туысшылай қырға шыққан қалалық бір әйел сол ауылдағы әйелдермен әңгіме дүкенін құрып отырғанда, бір таныс ханзу әйел үйге күрек, дағар секілді егістік саймандарын сұрап келіпті. Отырғандардың бірде...
-
Бір шал баласын ертіп жолаушылап құдасының үйіне барады. Құдасы мал сойып, ет асады, ет пісіп табақ алдыға келеді. Шал басты алып кескенде, баласы жамбасты жұлып алып кесе бастапты. Әкесінің ашуы к...
