InfoHub Logo

Қадыр Мырза Əлінің қанатты сөздері

Жалқаулық - жастыққа,
Пасықтық - қарттыққа тəн.

* * * * *

Ақиқат ауыз күйдіреді.

* * * * *
Жақсы жұмыс жігеріңді қоздырады,
Жаман жұмыс жүйкеңді тоздырады.

* * * * *
Кең дүние бар, кеңдік жоқ,
Еркіндік бар, теңдік жоқ.

* * * * *

Ұлты жоқ адамнан,
Ұрпағы жоқ адам бақытты.

* * * * *

Кедейлік шынықтырады,
Байлық құнықтырады.

* * * * *

Шындық ұстарадан өткір,
Не қолыңды, не жолыңды кеседі.

* * * * *

Алыпты жықсаңда,
Ақылдыдан жығыласың.

* * * * *

Мансапқордың кеңсесі биік,
Еңбекқордың еңсесі биік.

* * * * *

Емешегіс үзіледі ел десем,
Мен сенемін елімізге сен де сен.

 

Жамбыл бабаның қанатты сөздері

Ақылыңды ашу қыспасын,
Ашушаң болсаң
Сол қолың, оң қолыңды ұстасын.

* * * * *

Шамшырақ деген тас жатыр,
Теңіздің терең түбінде.
Май құйған шам сөнсе де,
Шамшырақ сөнбес өмірде.

* * * * *

Жердің сөлін жер жуар,
Елдің кегін ер қуар.
Дауыл тұрса бұлт қуар,
Жердегі жауды жұрт қуар.

* * * * *

Шешен кісі сөз бастар,
Адал кісі ел бастар.
Адал туған ұл болсаң,
Халық сүйіп қолға ұстар.

* * * * *

Жасықтан асыл шықпас қайрағанмен,
Жабыдан жүйрік шықпас байлағанмен.

 

Қорқыт атаның өсиет-нақыл сөздері

Қыз анадан көрмейінше өнеге алмас,
Ұл атадан көрмейінше сапар шекпес.

* * * * *

Ұл атаның ері, екі көзінің бірі.

* * * * *

Өнегелі болса - бала көрікті.

* * * * *

Мықты, жүйрік асауға, қорқақ жігіт міне алмас.

* * * * *

Əдепті сөйледе - тыныш отыр.

* * * * *

Жалғыз жігіт қол болмас,
Бос ыдыстың түбі мықты болмас.

* * * * *

Көрші ақысы - құдай ақысы.

* * * * *

Шіріген мақтадан мата шықпас,
Ескілікті жаудан дос шықпайды.

* * * * *

Қанша қалың жауғанменен,
Қар көктемге қалмайды.

* * * * *

Өтірік сөз өрге баспас,
Пасық кісіден дəулет болмас,
Топырақ төбе болмас.

 

Нұрсұлтан Назарбаевтың қанатты сөздері

Қазір бой жарыстыратын заман емес,
Ой жарыстыратын заман.

* * * * *

Қазақ тілі мемлекетіміздің барлық азаматтарын біріктіруге қуатты.

* * * * *

Өсер елдің баласы арманшыл болса,
Өшер елдің баласы жанжалшыл болады.

* * * * *

Қазақ пен қазақ қазақша сөйлессін.

* * * * *

Басқаға жалтақтайтын күннен кеттік. Бар байлығымызды өзімізге бұйыратын еттік. Қоғамның саяси тұрақтылығы мен бірлігіне жеттік. Қысқасы егемен ел болудың ең ауыр белесінен өттік.

* * * * *

Ұлылардың мұрасы да, мұраты да, атақ-даңқыда, мерейтойы да кейінге үлгі. Ал үлгіге қарап ұрпақ өседі.

* * * * *

Біз бойымыздағы озығымыздан үйреніп, тозығымыздан жирене білсек қана өркениетті мемлекет, еңселі ел боламыз.

* * * * *

Тəуелсіздік туын тігуге қаншалықты қажыр-қайрат керек болса, оны құлатпай сақтап қалуға соншалықты қажыр-қайрат керек.

Пайдалы сілтеме:

Ұлағатты сөздер

Мақал-мәтелдер

---