InfoHub Logo

Қазақстанда спорт саласында жаңа өзгерістер орын алуда. Туризм және спорт министрлігі бюджеттен қаржыландырылатын спорт түрлерінің тізімін жаңартып, оған падел мен курашты қосуды жоспарлап отыр. Бұл шешімнің артында қандай мүдделер жатыр?

Бұл туралы Infohub.kz ақпарат агенттігі хабарлайды.

Падел: Байлар ойыны ма?

Падел — еліміздің элитасы арасында танымал болған спорт түрі. Оның бюджетке енуі Арслан Әбілғазиннің есімімен байланысты. Әбілғазин — Forbes тізіміндегі мультимиллионер, Тимур Құлыбаевтың серіктесі Данияр Әбілғазиннің ұлы. Арсланның падел орталықтарын басқаратын компаниясы бар, сондықтан бұл шешімнің артында жеке мүдделер тұр деген күдік бар.

Кураш: Азия ойындарына дайындық па?

Кураш — өзбек күресі, Азия ойындарының бағдарламасына енген. Федерация басшылығындағы Андрей Боргенс пен Шомурод Муминовтың белсенділігі бұл спорттың да арнайы қолдауға ие екенін көрсетеді. Бірақ, қазақ күресін әлемге таныта алмай жатқанда, сырттан келген спорт түріне бюджеттен ақша шығындау қаншалықты орынды?

Түйін

Министрлік бұл шешімді Азия ойындарына дайындық деп ақтағанымен, шын мәнінде бұл ықпалды топтардың өз хоббилерін мемлекет есебінен қаржыландыруына ұқсайды. Падел сияқты қымбат спорт түрлеріне бөлінген ақша бұқаралық спортқа немесе ауылдағы спорт залдарды жөндеуге жұмсалса, тиімділігі жоғары болар ма еді?