InfoHub Logo

Сауат ашу сабағы (1 класс)
Тақырыбы: П дыбысы және әрпі
Білім Ханшайымы

Мақсаты:
Оқушыларға п дыбысы мен әрпін меңгерту. Соз ішінде п дыбысының орналасуын білу, сөзді буынға дұрыс бөлу. Сөйлемдегі айтылатын ойды анықтау. Өз ойын сөйлем арқылы жеткізе білу.
Ақыл – ой, таным белсенділігін арттыру, шығармашылыққа дамыту.
Адамгершілікке, парасаттылыққа баулу.

Сабақ түрі: Аралас сабақ
Әдіс – тәсілі: Көрсету, түсіндіру, меңгерту, баяндау.
Қолданылатын жаңа технология: Мағынаны тану, ой толғаныс, ой қозғау, болжау стратегиясы, кластер әдісі
Көрнекілігі: Суреттер, кітаппен жұмыс, №3 жазу үлгі бейнетаспа, слайд, тақтамен жұмыс.

Барысы:
Ұйымдастыру бөлімі
Психологиялық дайындық
Ана тілің арың бұл,
Ұятың боп тұр бетте.
Өзге тілдің бәрін біл,
Өз тіліңді құрметте!
- Білім ханшайымы бүгін бізге класқа қонаққа келіпті. Балалар! Білімді ұландарға түрлі тапсырмалар әкеліпті!

Шарға жазу
Бірнеше шарларды үрлеп дайындау. Әр шардағы буынды оқу по, па, пу, пы, пұ (оқушылар әр қатардан шығып оқиды).
Мәтінмен жұмыс
Кітап
1. Мұғалімнің оқуы
2. Тізбектей оқу
3. Сұрақ жауап: Кітап оқу неге керек?
1 – сурет
Кітап – кітаптар
Дәптер – дәптерлер
Пенал – пеналдар
Қалам – қаламдар

2 – сурет
Кітапханаға Шәріп келді. Кітап сөресі кітапқа толы (әңгіме құрау)

Тірек сөздерді қолдану
ертегі ----- кітап ------ Абай ---------- оқыды
өлең ------ сөре ------- Шоқан ------- жаттады
әңгіме ---- жинақ ---- Ыбырай ------ үйренді

Білім ханшайымының сұрақтары:

1. Шәріп қайда келді?
2. Ол нешінші сыныпта оқиды?
3. Қандай кітаптарды ұнатады?
4. Кітаптарды қайда жинап қойған?

СЕРГІТУ СӘТІ (2 МИНУТ)
Қарлығаш болып ұшайық,
Қане, қанат жаяйық,
Қарлығаш болып ұшайық,
Құстарға қамқор болайық!

Қорытындылау:

Сөздік диктант
5 сөз
Көпір, парта, кемпірқосақ, шопан, қап
Соңы
- Кітап – білім бұлағы,
Білім – өмір шырағы
- Білекті бірді жығар
Білімді мыңды жығар