Қадырғали Жалайыр
Қадырғали Жалайыр (XVI-XVII ғасырдың басы) — аса көрнекті орта ғасыр тарихшысы.Ол би және аса білімді кісі болған. Шығыс тарихын және мұсылман мәдениетінің тарихын жетік меңгерген. Араб, парсы тілдерін өте жақсы білген. Қазақстан, Орта Азия және Оңтүстік Сібірдің көптеген қалалары мен облыстарында болған. Қоғам өмірін жан-жақты білуінің арқасында ол сұлтан Онданның ұлы Ораз Мұхаммедтің тәрбиешісі (аталық) ретінде жоғары лауазымды қызмет атқарған.
Қадырғали Жалайыр — XVII ғасырдың басында Қазақ хандығы туралы тарихи еңбек жазған тұңғыш қазақ ғалымы. Ол өз кітабында Шыңғыс хан әулетінің және Алтын Орда билеушілерінің тарихын жазады. Оның жазған көптеген деректері қазақ халқының тарихи ауыз әдебиетінен алынғандықтан, басқа тарихи шығармаларда кездеспейді. Қадырғали Жалайырдың кітабының арқасында XV-XVI ғасырлардағы Қазақ хандығының тарихын білеміз. Біздің заманымызға қазақ халқының тарихи мәдениеті — аса бай мұрасы осы тарихшының еңбегі арқылы жетті.
You Might Also Like
-
Қазіргі таңда көпшілік мемлекеттерде бұқаралық ақпарат құралдарын монополияландыру мен шоғырландыру ісі белең алып жатыр. БАҚ-тың монополиялануын екі жақты қарастыруға болады. Бірінші, ол БАҚ пен к...
-
Жыл санаудың өзіндік үлгісі қазақ халқында да бар. Қазақтар жылды мүшел арқылы санайды. Бір мүшелді он екі жыл құрайды. Әр жылға он екі аңның аты берілген. Олар: тышқан, сиыр, барыс, қоян, ұлу, жыл...
