InfoHub Logo

Бастауыш сынып мұғалімі Оңаева Орынша Бақамбайқызы

Еңбекке баулу 4 сынып
Сабақтың тақырыбы: Қатырма қағаздан қозғалмалы ойыншықтар жасау.
Құзіреттілікке жеткізетін сабақтың мақсат - міндеттері:
а) Ақпараттық
ә) Коммуникативтік
б) Проблеманы шешу

Қағаздан қозғалмалы ойыншықтар жасау үлгісін үйрету
Білімін, ой – өрісін, шеберліктерін, іскерліктерін шыңдап дамыту
Өнер арқылы әсемдікке, әдемілікке, іскерлікке тәрбиелеу.

Сабақтың әдісі: «Дөңгелек үстел», «Блум Таксономиясы», «Топтастыру» стратегиялары, көрнекілік, түсіндіру, практикалық.
Сабақтың көрнекілігі, керекті құрал - жабдықтар:
Түрлі түсті қағаз, қатырмақағаз, түйме, бау, моншақ, желім, қайшы, сызғыш, қарындаш, фломастер, біз, үлгіқалыптар, тапсырмалар, ертегілерге байланысты суреттер, семантикалық карта.

Мұғалімнің қызметі
Сабақтың барысы:
I. Ұйымдастыру бөлімі. Психологиялық дайындық.
- Амандасу.
- Оқушылардың сабаққа дайындығын анықтау.
Қызығушылығын ояту. «Зейін мен есте сақтауға» арналған тапсырма
«Сиқырлы доға»,
- Бұл затпен суда жүзуге болады. (кеме)
- Бұл затпен сусын ішуге болады. (кесе)
- Бұл затпен ас пісіруге болады. (қазан)
- Бұл затпен шай қайнатуға болады. (шәйнек)

«Сиқырлы суреттер»
Аспап, аспан, аспаз
Өрік, бөрік, көрік
Тау, отау
қаздар, қыздар

II. Жаңа тақырыпқа бағытталу. Мағынаны тану.
Оқушыларға - «Қозғалмалы ойыншықтарға нелер жатады?» Қуыршақтар, ертегі кейіпкерлері, аңдар бейнесі т. б.
Сұрақ: Блум Таксономиясы
Оларды қайдан кездестіруге болады?
Қуыршақ театрларынан, немесе әртүрлі ертегі, мультфильмдерінен
Топтық жұмыс: «Ойлан, жұптас, талқыла»
«Қуыршақ театрына барсақ» тақырыбында ой бөлісу. Оқушылар топ ішінде бір – біріне жазғандарын оқып береді. Оларды талқылайды.

Мұғалім сабақ тақырыбын тақтаға әріптерінің орындарын ауыстырып жазады. (оқушылар жасырынған тақырыпты табу керек).

Қуыршақ театрына барғанды бәріміз жақсы көреміз. Ол жердегі қуыршақтардың, әртүрлі ертегі кейіпкерлерінің аяқ – қолын қозғалтып, билейтіні, ойнайтыны, өлең айтатыны бізге қатты ұнайды. Ал ондай аяқ – қолы қозғалатын ойыншықтарды жасау түк те қиын емес. Ертегі әлемінен алынған кейіпкерлеріміз – құрбақаны аяғы мен қолын қозғалта алатын ойыншық түрінде жасап көрейік. Ойыншық жасау тәсілін жақсы үйренсең, өзің, басқа да ойыншықтарды жасап ала алатын боласың. Жасаған ойыншықтарыңмен бір ертегінің немесе оқиғаның желісімен сахналық көрініс жасауларыңа болады.