Қожанасырдың жүзім ұрлағаны
Қожанасыр бір бағбанның бауына кіріп, жүзімін ұрлап жеп, әбден тойған соң қолындағы ыдыс-аяқ салып жүрген дорбасын да толтырып алады. Енді кетпекші болып тұрғанда, бағбан жетіп келіп ұстай алады. Бағбан Қожа екенін білген соң:
— Ей, Қожеке, бөтен біреудің бау-бақшасына еніп, ұрлық қылуға ұялмадың ба? Ар-намыс қайда? Оған Қожанасыр:
— Дуалыңыздан асып, шарбағыңызға енгенім сізге ұнамаса, екінші рет кірмей-ақ қояйын. Қазір есіктен шығып кете берейін бе? — деп бағбанның өзінен сұрапты да, Қожа дорбасын қолтықтап, дарбазаға қарай жүре беріпті.
You Might Also Like
-
Қожанасыр есегін сату үшін базарға кетіп бара жатыр екен. «Болмашы нәрсеге алушыны қашырып алмайын», — деп есектің құйрығын кесіп алып, қоржынға бүктеп салыпты да, жүре беріпті. Б...
-
Бір күні Қожанасыр көршісінен ұн қарыз алып, үйіне келе жатса, ұйқы-тұйқы жел соғып, шарадағы ұнын бұрқыратып шашады да кетеді. Қожанасыр көзін бір ашып, бір жұмып үйіне кірсе, шарада бір шөкім де ...
