InfoHub Logo

Қош келдің, Наурыз!
Сценарий мақсаты: Балаларға ұлыстың ұлы күні туралы мағлұмат беру; Балаларды елін, Отанын сүюге, ұлттық салт - дәстүрін дәріптеуге тәрбиелеу; Имандылық, инабаттылық, ізеттілік қасиеттерін қалыптастыру.
Сценарий көрнекілігі: газеттер, нақыл сөздер, киіз үй керегесі, ұлттық бұйымдар.
Сценарий барысы: Мейрам өтетін жер салт – дәстүрге байланысты жабдықталады. Балалар ұлттық киімдерімен келеді. Киіз үй керегесінен сахна жасалынады.
Қыздар безендірілген залға билеп кіреді.
Ұлдардың орындауында «Адай» биі.

Тәрбиеші: Ұлыс күндеріңіз құтты болсын!
Келе жатыр жылымыз,
Мейрамдаймыз мұны біз.
Халқы сүйген мейрамды,
Қарсы алайық Наурызды!
Наурыз тойын жұп жазбай,
Қошеметпен қарсы алып
Досқа құшақ ашайық,
Өлең жырға басайық,
Қазақтың бір салты деп
Тойға шашу шашайық!
(Әже шашу шашады).

Әже: Ұлыс оң болсын!
Ақ мол болсын!
Қайда барсаң жол болсын
Ұлыс береке берсін
Бәле - жала жерге енсін
Ұлы халқым тең болсын
Қуаныш көп болсын!

Тәрбиеші: Құрметті қонақтар, Наурыз мейрамына арналған ертеңгілікке қош келдіңіздер!
Тәрбиеші: Балалар, Наурыз мерекесіне арналған тақпақтарымызды айтып берейік!

Сабина: Сәнді көктем - Наурыз!
Наурыз тойы жырымыз
Көңілді гүлдей жайнасын
Құлпырсын күн мен ай
Құтты болсын Наурыз!

Азим: Уа, халайық, халайық
Әсем әнге салайық
Наурыз тойын көңілді
Бирге қарсы алайық!

Елизавета: Здесь скачки, гульбища, забавы:
Вот в схватке силачи сошлись.
Почувствуй вкус и запах славы
В чудесный праздник Наурыз

Бекасыл: Ұлыс оң болсын!
Ақ мол болсын!
Қайда барсаң, жол болсын!
Төрт түлік ақты болсын,
Ұлыс береке берсін,
Бәле - жала жерге енсін!
Қош келдің, Наурыз! жүктеу