ҚР БҒМ жұмысшы мамандарды даярлауды екі есеге ұлғайтпақ
ҚР БҒМ қысқамерзімді келешекте жұмысшы мамандықтары бойынша даярлықты жылына 40 мыңнан 80 мыңға дейін, яғни 2 есе ұлғайтуды жоспарлап отыр, деп жазады primeminister.kz.
«Біз техникалық және кәсіптік білім беруді тегін ұсынудың жаңа тетігін әзірледік. Енді түлек арнайы орта және жұмысшы біліктілігіне ақылы және тегін негізде түсе алады. 2017 жылы гранттар бірінші кезекте жұмысшы мамандықтарына, ал соңғы кезекте, гранттар артылып жатса, экономикалық және заңгерлік мамандықтарына беріледі деп ұсынылады. Біз қысқамерзімді келешекте жұмысшы мамандықтары бойынша даярлықты 2 есеге - 40 мыңнан 80 мыңға дейін ұлғайтуды жоспарлап отырмыз», - деді ҚР білім және ғылым министрі Ерлан Сағадиев «2015 жылғы 30 қарашадағы ҚР Президентінің Жолдауы тұрғысынан Жұмыспен қамтудың жол картасын құқықтық қамтамасыз ету жөніндегі шаралар туралы» тақырыбына өткен дөңгелек үстел барысында.
Айта кету керек, ҚР БҒМ деректері бойынша жыл сайын колледждерден 14 мыңға жуық студент, ал жоғарғы оқу орындарынан 40 мыңға жуық студент оқудан шығарылады. Мектептен кейін біліктіліксіз 21 мың адам нарыққа шығады.
You Might Also Like
-
Жоғары оқу орындарының деңгейін түлектердің жұмысқа тұруына қарай бағалау керек. Бұл туралы бүгін Астанада Парламент Сенатының Төрағасы Қасым-Жомарт Тоқаев мәлім етті.
-
ҚР Білім және ғылым министрі Ерлан Сағадиев пен «Нұрсұлтан Назарбаевтың білім беру қоры» Қоғамдық қорының директоры Динара Құлыбаева Алматы облысындағы «Арыстан» мамандандыр...
