InfoHub Logo

Ақтөбе облысы, Мұғалжар ауданы,
Еңбек ауылы, Еңбек негізгі мектебінің
бастауыш класс мұғалімі
Тегисова Гулден Маратовна

Әдебиеттік оқу 4 сынып
Тақырыбы: Шыбық С. Сарғасқаев
Мақсаты: а) Көктемгі ағаш отырғызу науқаны жайлы шығарманы таныстыру. Автор туралы мәлімет бере отырып, әңгіменің негізгі идеясын ашу. Шығармашылық әрекеттер жасау.
ә) Әңгімені талдау арқылы өз ойын нақты жеткізіп, сөздік қорларын, тілдерін дамыту.
б) Еңбексүйгіштікке, достыққа баулып, табиғатты, қоршаған ортаны аялауға тәрбиелеу.
Түрі: жаңа сабақ
Әдісі: түсіндіру, ойын, талдау, СТО технологиясы
Көрнекіілігі: үлестірмелер, автор портреті, суреттер, венн диаграммасы

Барысы: Ұйымдастыру кезеңі:
а) Оқушылармен амандасу
б) Психологиялық дайындық:
Сабағыңа жөндеп,
Әзірленсең еңбек.
Қиындықтың бәрін
Еңбек ғана жеңбек.

Үй тапсырмасын сұрау
Ө. Тұрманжановтың «Қарлығаш» өлеңінің мазмұнын сұрау.
1. Қарлығаш қандай құс?
2. Қарлығаш балапандарын қалай қорғады?
3. Қарлығаштың ұясы туралы не айтар едің?
4. Ұяда қанша балапан бар дейді?
5. Бір күні қарлығаш ұяға жақындап қалған нені көрді?
6. Қарлығаш жыланнан қалай құтылды?
7. Дәуіт деген не?
8. Жылан қандай?
9. Оқиға қайда болды?
10. Өлеңнің авторы кім?

Жаңа сабақ.
Қызығушылықты ояту. Сөзжұмбақ шешу.
Ш О Қ А Й
Қ Ұ М Ы Р С Қ А
Е Л І К Б А Й
С Ы Н Ғ А Н
Қ А Р Л Ы Ғ А Ш

1. Аквариумды сыныпқа кім сыйлады?
2. Ақсақ Темір неден үлгі алып хандыққа жетті?
3. Күнделігіндегі екілікті бестікке айналдырған кім?
4. Қандай аквариум?
5Алты балапаны бар өткен сабақтағы құс.
Ой шақыру
- Шыбық туралы не білесің?
- Қайда өседі?
- Шыбықты не үшін егеді?
- Шыбықтың қандай пайдасы бар?

Қазір «Жасыл ел» - жастарды жарқын істерге жұмылдыру мектебіне айналып отыр. Жастар күшімен еліміздегі экологиялық мәселелерді шешу елді көгалдандыру керек – деген елбасы өз жолдауында.
Автор туралы мәлімет

Сансызбай Сарғасқаев 1925 жылдың 29 сәуірінде Жамбыл облысы, Шарбақты селосында дүниеге келген. Ауыл мектебінде әріп танып жан – жағында болып жатқан құбылыстарды шебер суреттеп, көрген - білгенін жаза бастайды. С. Сарғасқаевтың жастық шағы сұрапыл соғыспен тұспа – тұс келеді. Жазушы көбінесе балалардың арманы мен өмірін сипаттай отырып, балаларға арнап «Сәуленің жаңа достары», «Сынған тіс», «Шындық», «Шыбық», «Тәмпіш қара», «Жұмбақ қыз», «Жаймашуақ» атты повестер мен әңгімелері жарық көрген.
Тесе – кетпеннің кішкене түрі.
«Тесе» сөзіне сөйлем құрау

Теріп оқу.
Әкесінің сөзін тауып оқу.
Темірдің өкінішін тауып оқу.
Пейзаж суреттелген жерді тауып оқу.
Еңбек еткен ісі туралы жазылған жерді тауып оқу.
Дәптермен жұмыс
Еңбек тақырыбына жазылған мақал – мәтелдерді толықтырып жазу.
1. Еңбегің қатты болса,
Жегенің тәтті болады.
2. Еріншектің ертеңі бітпейді
3. Еңбек етсең ерінбей,
Тояды қарның тіленбей.
Венн диаграммасы
Бақыт - еңбекқор, намысшыл
Темір -
Жалқау, еріншек, оқуға құштар
Екеуі де – сыныптас достар

Кестемен жұмыс
Табиғаттағы өзгеріс. ------------------- Бақыттың көңіл – күйі
Ызғарлы жел ----------------------------- шаршады
қара бұлт ---------------------------------- тоңазыды
------------------------------------------------- намыстанды

«Қарлы кесек» ойыны:
Оқушылар мәтін бойынша бір - біріне сұрақ дайындайды
Ағашты гүлдендірейік. Қызыл, жасыл, көк, сары стикерлерге сабақтан алған білімдерін, әсерлерін жазып жапсыру.
Үйге тапсырма
Әңгімені түсініп оқу.
Темірге хат жазу.
Бағалау

Толық нұсқасын жүктеу