InfoHub Logo

Чечня басшысы Рамзан Қадыров ұлы Адамның жол-көлік оқиғасына қатысты деген ақпаратты жоққа шығарды. Ол мұндай мәліметтерді "жалған ақпарат" деп атап, жасанды интеллект арқылы таратылған болуы мүмкін екенін айтты.

Бұл туралы Infohub.kz ақпарат агенттігі хабарлайды.

"Жалған ақпарат"

«Жасанды интеллекттің көмегімен кез келген адамды алдауға болады. Елде 128 мыңдай авария болып, 13 мыңнан астам адам қаза тапты, бірақ ешкімнің шаруасы болмайды. Ал Қадыровтың ұлының авариясы туралы жалған ақпарат әлемдік жаңалықтардың бірінші бетіне шықты», - деді Қадыров.

Оның айтуынша, бұл оқиға туралы ақпараттық «вброс» болған.

Бұған дейінгі хабарламалар

Бұған дейін бұқаралық ақпарат құралдары Адам Қадыровтың көлік апатына ұшырап, Мәскеуге жеткізілгені туралы хабарлаған еді. Кейбір дереккөздер оның кортежінің қатты жылдамдықпен жүргенін, рөлде өзі болғанын жазды. Кейіннен Адам Қадыровтың есін жинап, жағдайының дәрігерлер алаңдаушылығын тудырмайтыны хабарланды.

Рамзан Қадыров бұл хабарламаларға байланысты ұлымен бірге түскен бейнежазбаны жариялаған болатын. Ол Адам Қадыровтың республикалық күштік құрылымдар командирлерімен кеңес өткізгенін айтып, ұлының тағы бір марапат алғанын хабарлады.

Адам Қадыровқа 18 жаста. Ол Чечняның Қауіпсіздік кеңесінің хатшысы қызметін атқарады. Сондай-ақ, ол бірқатар маңызды салаларға жетекшілік етеді.