InfoHub Logo

ҰБТ өткізудің 2-9 маусымдағы ақпараты жария етілді. Бұл туралы ҚР Білім және ғылым министрлігінің баспасөз қызметі хабарлады.

«2-9 маусым аралығында өткізілген тестілеуге  84 079  бітіруші қатысты, соның ішінде қазақ тілінде - 61 739, орыс тілінде -  22 340 бітіруші», делінген хабьарламада. 

Тестілеу сегізінші күні 1 ҰБТӨП-тің базасында өткізілді.

125 балл жинаған бітірушілер саны өзгерген жоқ. Олардың саны әлі күнге дейін 19 адамды құрайды:

-         Алматы қ.- 6

-         Оңтүстік Қазақстан облысы - 6

-         Шығыс Қазақстан облысы - 2

-         Павлодар обл. - 2

-         Астана қ. - 1

-         Батыс Қазақстан облысы - 1

-         Қарағанды обл. - 1

Тестілеудің сегіз күнінің нәтижесінде тыйым салынған заттарды қолданған және аудиторияда тәртіп бұзған үшін 38 бітіруші тестілеуден шығарылды, оның ішінде:

- ұялы байланыс телефондарын пайдалану - 19 бітіруші;

- емтихан материалдарын бүлдіру - 1 бітіруші;

- сұрақ кітапшаларды сыртқа шығару мақсатында оның ішіндегі ішкі беттерін ауыстыру - 17 бітіруші;

-  тестілеуге бітірушінің орнына бөгде адамның кіруге әрекет етуі - 1 бітіруші.

Келесі кестеде ҰБТ-ның тестілеу күндері бойынша қысқаша нәтижелері келтірілген:

 

№	Лек күні	Өтініш саны			ҰБТ-ға қатысты			Конкурс пәндері бойынша 50 баллдан төмен алғандар			Бес пән бойынша 100-ден жоғары			Тестілеудің бір пәні бойынша қанағаттанарлықсыз баға алғандар
		барлығы	қаз	орыс	барлығы	қаз	орыс	барлығы	қаз	орыс	барлығы	қаз	орыс
1	02.06	18599	13349	5250	17934	13026	4908	2274	1615	659	3834	2811	1023	480
2	03.06	19802	14189	5613	19224	13970	5254	3302	2343	959	3246	2275	971	709
3	04.06	22021	15533	6488	21185	15190	5995	3945	2776	1169	4273	3106	1167	857
4	05.06	14214	9811	4403	13662	9591	4071	2494	1727	767	2865	2059	806	568
5	06.06	6339	5279	1060	6153	5168	985	1121	907	214	1255	1037	218	322
6	07.06	3900	2926	974	3832	2887	945	652	487	165	822	679	143	129
7	08.06	1843	1713	130	1834	1703	131	459	410	49	206	195	11	119
8	09.06	281	227	54	255	204	51	12	8	4	59	49	10	1
Барлығы		86999	63027	23973	84079	61739	22340	14252	10267	3985	16565	12213	4352	3185
%		100	72,446	27,554	96,664	73,43	26,57	16,951	72,039	27,961	19,702	73,728	26,272

 

Тестілеу нәтижесімен келіспеген бітірушілердің келесі күні сағат 14:00-ге дейін әрбір пунктте құрылған апелляциялық комиссияға шағымдануға құқықтары болады. Апелляцияға өтініштер тест тапсырмаларының мазмұны бойынша да, техникалық себептер бойынша да қабылданады.

Апелляцияға өтінішті беру барысында бітіруші әрбір тест тапсырмасы бойынша тестілеу нәтижелерімен келіспейтін негіздемесімен беру керек.

Сонымен қатар, өту деңгейінен өте алмаған бітірушілер ағымдағы жылы қайта кешенді тестілеу тапсыру арқылы жоғары оқу орындарының ақылы негізде оқуға түсуге құқылы. Қайта кешенді тестілеуге қатысу үшін өтініштер жоғары оқу орындарының қабылдау комиссияларында тамыз айының 1-і мен 8-і аралығында қабылданады, ал тестілеу тамыз айының 19-ы мен 24-і аралығында өткізіледі. 
Еске сала кетсек, таяуда ОҚО-ның Сарыағаш ауданында түлек орнына ҰБТ-ны 20 жастағы алматылық жігіт тапсырмақ болып ұсталған еді. 

---