ШҚО-да 6,5 мың мұғалім екі жыл бойы үстеме ақыдан қағылып келген
Шығыс Қазақстан облыстық прокуратурасы өңірдегі 6,5 мың мұғалімге 2 жыл бойы тиесілі үстеме ақы төленбей келгенін анықтады.
«ШҚО прокуратурасының араласуынан кейін мұғалімдерге тиесілі қосымша ақы төленетін болды. Мектеп қызметкерлері еңбек құқықтарының сақталуына тексеру жүргізген болатын. Нәтижесінде 6,5 мың мұғалімге ерекше қажеттігі бар балалармен жұмыс жүргізгені үшін қосымша ақы төленбегені анықталды», - дейді облыстық прокуратураның баспасөз хатшысы Әсел Момынжанова.
Аталмыш санаттағы балалармен жұмыс істегені үшін мұғалімдер базалық еңбекақыға 40% үстеме ақы алуы керек болған. Сол төлемді мұғалімдер 2 жыл бойы алмаған. 2017-2018 жылдарда берешек 87 млн теңгеден асқан.
«Қазір қордаланған еңбекақы қарызы төленіп жатыр. Білім қызметкерлеріне бүгінгі күнде 14 млн теңгеден астам қаржы өтелді», - дейді прокуратура өкілі.
You Might Also Like
-
Технологияның қарқынды дамып жатқан замандамыз. Осы дамудың жемісі болған интернет, гаджет сияқты өнімдерді орынды, шектеулі қолданбаған жағдайда біршама келеңсіздіктерге жол ашатыны ақиқат. Соның ...
-
Мұхиттың пластикпен ластануы Prochlorococcus бактерияларының жойылуына себеп болады. Ал бұл бактерия атмосфераға 10% оттегі өндіріп шығарады.
