Асқар Мамин: Білім және ғылым министрлігінің алдында ауқымды міндеттер тұр
ҚР Үкіметінің басшысы ҚР Білім және ғылым министрлігінің ұжымына жаңа министрді таныстырды, деп primeminister.kz сайты хабарлайды.
А. Мамин Асхат Аймағамбетовтың білім беру саласында тиісті білімі мен үлкен тәжірибесі бар екенін атап өтті. Асхат Аймағамбетов түрлі жылдары Қарағанды облысының Білім басқармасының басшысы, білім және ғылым вице-министрі қызметтерін атқарды, Қарағанды облысы әкімінің орынбасары болды.
Премьер-Министр Білім және ғылым министрлігінің алдында ауқымды міндеттер тұрғанын айтты. Бұл - мектепке дейінгі, орта, кәсіптік-техникалық және жоғары білімді жаңғырту, сұранысқа ие заманауи мамандар даярлау, білім және ғылымның сапалы жүйесін дамыту.
Сондай-ақ Үкімет басшысы ҚР Президентінің Жарлығымен басқа жұмысқа ауысуына байланысты ҚР білім және ғылым министрі лауазымынан босатылған Күләш Ноғатайқызы Шәмшидинова жемісті жұмысы үшін алғыс білдіріп, жаңа орында сәттілік тіледі.
«Күләш Ноғатайқызы тәжірибесі мол басшы. Министр қызметінде қарқынды жұмыс істеп, еліміздің білім беру саласының дамуына елеулі үлес қосты», - деді ҚР Премьер-Министрі.
You Might Also Like
-
Америкалық құндылықтар институты тарапынан жарияланған «Fatherless America» (әкесіз Америка) атты еңбекте, кітаптың авторы Дэвид Бланкенхорн [David Blankenhorn] былай дейді: «...
-
«Өз ортасынан айырып, керекті ортаға жұтқызудың және көңіліне үрей ұялатудың психологиялық тәсілдері кез келген адамды табыну объектісіне (культ) немесе сектаға кіргізіп алуы мүмкін. Мен осыл...
