InfoHub Logo

Дүниетану 2 сынып
Сабақтың тақырыбы: Судың маңызы

Мақсаты: Судың адам өміріндегі маңызы, сусыз тіршілік жоқ екендігін ұғындыру, суды қорғауға үйрету
Күтілетін нәтиже А) тәжірибе жасай алады
Ә) Судың маңыздылығын ұғынады
Б) Судың тіршілікке маңызын бағалайды
Әдіс - тәсілдер: түрткі сұрақ, сұрақ-жауап әдісі, топтық әңгіме, диалогтік оқыту,
«Крестиктер мен нөлдіктер», жаппай, топтық, жұптық, жеке жұмыс түрлері.
Керекті құрал - жабдықтар Оқулық, дәптер, флипчарт, фломастер, маркер, карточкалар.

Кіріспе
Оқушылармен амандасу.
Психологиялық дайындық.
Күлім қағып қолымды,
Бір, екі, үш деп соғайын.
Қарап тұрған көршіме,
Қолымды мен бұлғайын.
Жылы - жылы жүзбенен,
Маңдайынан сипайын.
Жылы - жылы сөзбенен,
Жүрегімді сыйлайын.
Ыстық алақаныммен,
Қолыңды бер қысайын.
Амандасып өзіңмен,
Құшақтап бір алайын

Топқа бөлу.
Су, бу, мұз, тамшы суреттері арқылы топқа топқа бөлу
- қолдарыңыздағы суреттер туралы не айта аласыздар?
Бақылау күнделігімен жұмыс
- Барлығымыз терезеге қарайық.
- Бүгін ауа райы қандай?
- Жауын - шашын бар ма?
- Ауа температурасы қандай?

Үй тапсырмасын тексеру «Крестиктер мен нөлдіктер» әдісі арқылы
1. Су қандай болады?
2. Судың түсі қандай?
3. Судың пішіні бар ма?
4. Суды қандай жерлерде кездестірдің?
5. Су адам үшін маңызы қандай?
6. Судың неше күйі болады?
7. Мұз судың қай түріне жатады?
8. Жаңбыр судың қай түріне жатады?
9. Судың бу түріне кездесетіні туралы не айта аласың?

Тұсаукесер Миға шабуыл
3 шыны ыдысқа сүт, су, сұйық май әкеліп, осылардың ішінен суды табулары сұралады
- қалай таптыңдар?

Негізгі бөлім

Топтық жұмыс
Тәжірибелер:
1 - топ: Суға қант салып, араластырайық. Қант еріп кетті. Су мөлдір күйінде қалды. Судың дәмі тәтті болды. Қант суда жақсы ериді.
2 - топ: Суға бір қасық тұз салып араластыру. Тұз суда еріп кетеді. Су мөлдір күйінде қалды. Судың дәмі ащы болады. Тұз суда жақсы ериді.
3 - топ: Стакандағы суға құм салып араластыру. Құм қиыршықтары сол қалпында стакан түбінде шөгеді. Құм суда ерімейді.
4 - топ: Стакандағы суға саз салып араластыру. Су лайланады. Суды біраз тұндырсақ, саз түбіне шөгеді. Саз суда ерімейді.
Кесте
Суда жақсы еритін заттар

Сергіту сәтін өткізу.
Дәптермен жұмыс.
Жасаған тәжірибе бойынша кестені дәптерге толтыру
Не аламыз? Нені бақылаймыз?

Шығармашылық тапсырма
Үстіне жүк артқан екі есек келе жатты. Біреуінің үстінде тұз, екіншісінде мақта болатын. Оларға терең өзеннен өту керек болды. Үстіне тұз артқан судан шығысымен бірден жорыта жөнеледі. Ал мақта артқаны аяғын әрең басып, қабырғасы қайысып кетті. Оларға не болды?
- Барлық заттар суда ери ме?
- Заттардың бәрі бірдей ерімегені жақсы ма, жаман ба?
- Су қоймаларындағы су(түсі, иісі, тазалығы) қандай болады?
- Пайдасы бар ма?
- Ішуге жарай ма? Неліктен?
- Қандай сулар ішуге жарайды?
- Су қоймаларының тазалығын сақтау үшін не істеу керек?
- Су маңында қандай өсімдіктер өседі, жануарлар тіршілік етеді?

Қорытынды
Рефлексия:
Бағалау
«Аяқталмаған сөйлем....»
Су....................
Су...................
Су...................
Су................

“Баспалдақ” әдісі арқылы көрсетіңдер.

Өзіндік бағалау парағын толтыру
«Балқаш қаласының №15 мектеп - лицейі» КММ
Бастауыш сынып мұғалімі Жақыпбекова Майра Берикболовна