InfoHub Logo

Америкалық "Variety" басылымының мәліметінше, Paramount Pictures студиясы "Топ Ган 3" ("Лучший стрелок 3") фильмін әзірлеуде. Бұл жобаға Том Круз оралып, оның продюсері ретінде Джерри Брукхаймер жұмыс істейді.

Бұл туралы Infohub.kz ақпарат агенттігі хабарлайды.

Том Круз 2025 жылдың мамыр айында үшінші бөлімнің әзірленіп жатқанын растаған болатын. Сол кезде команда бірнеше сюжет нұсқасын қарастырып жатқаны айтылған еді.

"Топ Ган" тарихы

"Топ Ган" – 1986 жылы шыққан культтік американдық фильм. Фильмде әскери-әуе күштерінің үздік ұшқыштарын даярлайтын мектептегі оқиғалар баяндалады. Басты кейіпкер – ұшқыш Пит "Мэверик" Митчелл рөлін Том Круз сомдады.

Фильмде әуедегі шайқастар, кейіпкерлердің жеке өмірі, бәсекелестік және махаббат желісі қамтылған. 2022 жылы шыққан "Топ Ган: Мэверик" жалғас фильмі сол жылы ең табысты туындылардың бірі болды. Онда Том Круз жас ұшқыштарға тәлімгер рөлін атқарды.

Том Круз туралы

Том Круз – Голливудтың ең танымал актерлерінің бірі. Ол "Жаңбырлы адам", "Джерри Магуайер" сияқты көптеген фильмдерде ойнаған. "Миссия невыполнима" киноэпопеясы арқылы да кеңінен танымал. Актер көптеген марапаттарға ие болған. Ол биыл шілдеде 64 жасқа толады.

2026 жылдың қазан айында "Диггер" фильмінің премьерасы өтеді деп күтілуде. Бұл туындыда да Том Круз басты рөлде болады. Фильмнің режиссері – Алехандро Гонсалес Иньярриту.