InfoHub Logo

АҚШ президенті Дональд Трамп Таяу Шығыстағы мақсаттарға жақын екенін және Иранға қарсы әскери операцияны тоқтату мүмкіндігін мәлімдеді. Бұл туралы ол өзінің Truth Social әлеуметтік желісіндегі парақшасында жазды.

Бұл туралы Infohub.kz ақпарат агенттігі хабарлайды.

Иранның әскери әлеуетіне соққы

Трамптың айтуынша, АҚШ Иранның зымырандық әлеуетін, оның ішінде ұшыру қондырғыларын жоюға, қорғаныс өнеркәсібін талқандауға және әскери-теңіз, әскери-әуе күштерін, сондай-ақ зениттік қару-жарақтарын жоюға жақын.

Ядролық қаруға жол бермеу

«Иранның ядролық қаруға ие болуына ешқашан жол бермеу және мұндай жағдай туындаса, АҚШ-тың тез әрі қуатты әрекет етуіне мүмкіндік беретін позицияны үнемі сақтау», - деп жалғастырды президент.

Ол сондай-ақ Таяу Шығыстағы одақтастарды, соның ішінде Израильді, Сауд Арабиясын, Катарды, БАӘ-ні, Бахрейн мен Кувейтті қорғаудың маңыздылығын атап өтті.

Ормуз бұғазын бақылау

Трамптың сөзіне қарағанда, Ормуз бұғазын пайдаланатын басқа мемлекеттер қажет болған жағдайда оны қорғап, бақылауға алуы тиіс. АҚШ бұл жұмысты атқармайтынын айтты.

«Егер бізден сұраса, біз бұл елдерге Ормуз бұғазын қорғауға көмектесеміз, бірақ Иранның қаупі жойылғаннан кейін бұған қажеттілік болмайды. Олар үшін бұл оңай әскери операция болады», - деп есептейді президент.