Исекешев мектептердегі ақша жинау проблемасын бақылауға алмақ
Елорда тұрғындары мектептерде ақша жинау проблемасымен бетпе-бет келсе, қала басшысына шағым жасай алады.
Бұл туралы бүгін елорда білім қызметкерлерінің тамыз кеңесінде Астана қаласының әкімі Әсет Исекешев мәлім етті.
«Әлеуметтік желілерде мектепке баланы ауыстыру барысында орын жоқ деген сылтаумен ақша алу мәселесіне байланысты көптеген сынның бар екендігін атап өткім келеді», - деді ол.
Осы ретте қала басшысы дәл осы мәселеге байланысты жайттар туындаса қала тұрғындарының кез келген ұсыныстарын қарауға дайын екендігін жеткізді.
«Менің жеке өзіме жіберулеріңізге де болады. Бұған қоса, Facebook әлеуметтік желісінде елорданың білім беру саласының «Білім. Астана» парақшасы ашылған. Біздің мамандар, кейде менің өзім де кіріп отырамыз. Астананың барлық педагог қоғамдастығына сол жерде әңгімелесуге шақырамын. Меніңше, бұл пікір алмасудың ең жылдам жолы», - деп атап өтті елорда әкімі.
Сонымен қатар Ә.Исекешев әкімдік кез келген мәселеге шұғыл әрекет ететіндігін баса айтты.
«Сондықтан әкімдікке келудің қажеті жоқ. Кез келген мәселе бойынша әкімдік сайты арқылы жұмыс істеуге болады. Біз проблеманы білеміз. Олар: мектеп формасы, тамақ, оқулықтар. Бұларды шешетін боламыз», - деді ол.
You Might Also Like
-
2017 жылы Ұлттық бірыңғай тестілеу өзгереді. Бұл туралы бүгін Қазақстан білім саласы қызметкерлерінің республикалық тамыз кеңесінде ҚР Премьер-Министрінің орынбасары Дариға Назарбаева мәлім етті.
