Mektep bitirýshiler men Bilim kúnine arnalǵan tilekter

Biz búgin mektep bitirýshi jas túlekter men olardyń ata — analary jáne
ustazdaryna arnap mektep bitirý keshinde aıtylatyn esh jerde jarıalanbaǵan
avtorlyq tátti tilekterdi usynbaqpyz.

Osy tilekterdiń júrekterińizge jetip, kóńilderińizge qonǵanyn jáne
oryndalýyn shyn júrekten tileımiz. Tilekter tizbegin eń aldymen ata —
analardyń mektep bitirý keshinde óz balalary men balasynyń synyptastaryna
jáne olardyń ustazdary men ata — analaryna arnap aıtatyn lebizderimen
bastaǵandy jón kórip otyrmyz.

Qurmetti jas túlekter, aınalaıyn altyndarym! Sender, mine, ómirlerińde
áli de kóp kezdesetin qıyn — qıyn belesterdiń birinen attap, bolashaqqa
sátti qadam bastyńdar. Osy qadamdaryńa qut qonsyn! Sender taıǵa minip
shapqanda úıde otyryp taqymdaryńdy qysyp, ýaıymǵa salynǵan ata —
analaryńnyń úmitin áli de aqtap, olardyń aldyndaǵy ómirlik paryzdaryńdy
umytpańdar, balalarym!

Janym, balapanym, men seniń ár qýanyshyń úshin bir jasap qalamyn. Men
seniń ár jeńisiń úshin balasha qýanamyn. Óıtkeni, seniń bizdiń úmitimizdi
qashanda aqtaýǵa kúsh — jigeriń men bilimi — tanymyń jeterine senemin!

Bolashaqtaryń jarqyn bolsyn!

Qaraqtarym, sender biz úshin áli de balasyńdar! Mine, búgin qanattaryń
qataıyp, salmaqty ómirge aıaq basyp barasyńdar! Myna ómir senderdiń áke
— sheshelerińdeı mańdaılaryńnan sıpamaıdy. Sondyqtan, ár qadamdaryńdy
aqylmen ańdap basyńdar!

Mine, sender on bir jyldyq mektep ómirimen qoshtasyp jatyrsyńdar. Sender
ketesińder, ustazdaryń osynda qalady. Olarǵa ómir boıy qaryzdar
ekenderińdi umytpańdar. Olardyń senderdi adam etý jolynda bizden kem ter
tókpegeni bizge aıan. Júrgen jerlerińde ustazdaryńnyń mereıin asqaqtatyp
júrińder. Ustazdar úshin mereıdi asqaqtatý – olar bergen bilimniń jemisi
men jeńisin kórsetý.

Meniń balama árip tanytyp, saýatyn ashyp, qanatyn qataıtqan qurmetti
ustazdar! Sizderdiń aldaryńyzda abyroılaryńyz ben eńbekterińizdi shyn
sezinip, ıilip raqmet aıtamyn. Óıtkeni, sizder tókken ter osyǵan laıyq!

Bala — shaǵalaryńyzdyń qyzyǵyn kórip, baqytty ǵumyr keshińizder!

Qurmetti jas túlekter, bul ómirde sanaly ǵumyr súrip, adamdarmen teń
dárejede bolý úshin bilimniń mańyzy óte kóp. Sender on bir jyl boıy júz
paıyzdyq bilimniń tek bir paıyzyn ǵana meńgerdińder, qalǵan toqsan toǵyz
paıyzyn senderge joǵarǵy oqý oryndary men ómirdiń ózi úıretedi. Talpyna
berińder, qanattaryń talmaı qalyqtaı berińder!

Qurmetti balalarym, bitirýshi túlekter, mekteppen qoshtasý sátine de
jettińder, mine. Erteń bir — birińdi saǵynasyńdar. Árqaısyń ár tarapqa
tarap, eldiń qamyn oılaıtyn er azamat, óz isin úzdik meńgergen maman
bolarsyńdar dep senemin. On jyldan soń bas qosqanda báriń bir — bir
salanyń tizginin ustaǵan naǵyz maman ıesi bolyp oralatyndaryńa senemin.

Qurmetti túlekter, eń bastysy – densaýlyq! Sondyqtan, sózimdi osydan
bastaıyn da, senderge bilim men baqytqa jetý úshin zor densaýlyq tileıin.

Bir — birińe degen baýyrmaldyq men dostyqqa shań bastyryp, syzat
túsirip almańdar! Qaıda júrseńder de, aman bolyńdar! Elge tıer paıdasy
kóp maman bolyńdar!

Janym, balam! Seniń bilimge qushtarlyǵyńa men qashanda tántimin. Ómirge
ǵashyq osyndaı qalpyńnan taıma! Kúni — túni alǵan bilimińniń bolashaqta
áperer asýy kóp bolsyn!

Aınalaıyn, erketaıym! Seniń balalyq shaǵyń osy mekteptiń qabyrǵasy men
óziń ósken úıde qalyp qoıady endi... Endi sen boı jetip, bolashaq atty
poıyzǵa minip, júrgeli tursyń. Saǵan densaýlyq pen sáttilik jáne baqyt
pen baılyq tileýden jalyqpaı, anań ekeýmiz úıde tileýińdi tilep
otyramyz.

Túlekter, jas talapkerler! Sender úshin naǵyz ómirdiń bastaýy – osy.

Endi sender qabaǵy qatýly adamdary qarbalasqan ómirdiń turmystyq
taýqymetinen shyǵa almaıtyn úlken — úlken qalalarǵa bilim alýǵa
attanbaqsyńdar. Qaıda bolsańdar da, aman júrińder. Elimizdiń órkendeýine
kúsh salatyn mamandyqtardyń birin dóńgeletip áketedi degen senimdemin.

Aýylǵa da jaqsy mamandar kerek ekendigin este saqtap, dıplommen týǵan
jerlerińe de oralý oıda bolsyn, qaraqtarym!

Balańyzdyń mektep bitirýimen quttyqtaımyz!

Asa qurmetti osynaý altyn ordaǵa «tarydaı bolyp kirip, taýdaı bolyp
shyqqan» meniń synyptas dostarym! Búgingi kúni bárimiz ózimizdiń altyn
uıamyzdan «ómir» atty uly taýdy betke alyp ushyp bara jatqanymyzda aıtar
tilegim: qaıda júrsek te, qaıda bolsaq ta, qansha jasqa kelsek te bir —
birimizdi umytpaıyq.

Árqashan jadymyzda esimimizdi jańǵyrtyp júreıik. Óıtkeni týǵan jerimiz
ortaq, tilimiz, dinimiz ortaq, oqyǵan mektebimiz, ustazdarymyz ortaq,
zamanymyz, qoǵamymyz ortaq, eń bastysy altyn shańyraqty, kúmis ýyqty,
kıeli keregeli elimiz, arman — tilegimiz ortaq. Sondyqtan qadirli
dostar, Qorqyt babamyz aıtqandaı «qara ormanymyz shaıqalmasyn, qara
taýymyz búgilmesin, aqqan darıamyz sarqylmasyn, Túrki dúnıesi túgel
bolsyn!» Bul tilekter, synyptas dostar, bizdiń boıtumarymyz bolsyn!

Qurmetti búgingi saltanatty keshke jınalǵan qadirli ustazdarymyz, ata —
analarymyz jáne meniń qımas dostarym! Mine, biz búgin «tarydaı bolyp
kirip, taýdaı bolyp shyqqan» ystyq uıamyz – mektebimizben, bizdi 11 jyl
boıy oqytyp, tárbıelegen aıaýly ustazdarymyzben qoshtasqaly turmyz. Endi
bizdiń qulaǵymyz kúmbirlegen kúmis qońyraýdyń únin estimeıdi.

Endi biz eń qyzyqty sátterimizdi ótkizgen mynaý mekteptiń aýlasynda
jarysa júgirip, synybymyzdaǵy partalarǵa talasa — tarmasa otyrmaımyz.

Endi biz 11 jyl boıy bizdiń «erkeligimiz ben tentektigimizdi» kótergen
apaılarymyz ben aǵaılarymyzdyń sabaqtaryńda otyrmaımyz, taqtaǵa shyǵyp
sabaq aıtpaımyz!

Biz osy mektepte ustazdarymyzdyń tálim — tárbıesin ala júrip
bolashaǵymyzdyń irgetas — fýndamentin qaladyq. Dál qazir sol kúnderge
degen qımastyq sezimdi bastan ótkerip muńaısaq ta, erteńgi bolashaǵymyzdy
oılap júregimiz lúpil qaǵyp tur!

Meniń synyptas dostarym! Senderge aldaǵy ýaqytta tek qana sáttilik jar
bolsyn, jetistikterge qol jetkizińder, ómirden óz oryndaryńdy adaspaı
tabyńdar! Báriń de aq jolmen appaq kógershin — armańdaryńa súrinbeı
jetińder! Óıtkeni, biz mekteppen qoshtasyp, úlken ómirge qanat qaǵyp
baramyz. Endi bizdi alda ómirdiń san taraý joldary kútip tur. Sol jolda
ár birimiz baqyt úshin, ómirden laıyqty oryn alý úshin kúreseıik, dostar!

Al altyn uıa – mektebimiz ben aıaýly ustazdarymyzdy júregimizde máńgi
umytpaı saqtaımyz. Aıaýly ustazdar! Sizder jasaǵan eńbekterińiz úshin
sheksiz alǵys bildiremiz!

Altyn uıa mekteptiń tulparlary, dúldúli –
Juldyzdary júrektiń jetildinder bul kúni!

Biriń – hakim, al biriń bolyńyzdar ǵulama,
Myń daýyspen saıraǵan o, ómirdiń bulbuly!

Ata — dástúr boıynsha satpaıdy ulan súıegin,
Kúı tógesiń shanaqtan – jaqsy boldy tıegiń!

Qutty bolsyn toılaryń shákirtterim, kógershin,
Barlyǵyńdy keýdeme basyp, qysyp súıemin.

Sendersińder tirliktiń jelkildegen quraǵy,
Ustazdaryń armanyn ózderińe ulady!

Toıǵa ulassyn toılaryń – tý qadańdar bıikke,
Jaqsy týǵan jigitke jat jurt kelip turady.

Oralyńdar otyzdyń ortasyna tolǵanda,
Shúkirshilik etemiz jetseńder shyń — armanǵa.

El — jurtyń bar tilektes, jnylma ómir — egeste,
Al sońdaryń aınalsyn qaraqurym ormanǵa!

Balańyzdyń dıplomy qutty bolsyn!

Úlken ómirge qanat qaǵyp barasyń. Qanatyń talmasyn, bıikterge shyrqa!

Joǵary oqý ornyna oqýǵa túsip, stýdenttik dáýirdi qyzyqty ótkizip,
abyroımen bitirýińe tilektespin. Tańdaǵan mamandyǵyńnyń myqty mamany,
kásipqoıy bol! Mektep ómiri artta qaldy, aldyńda kútip turǵan jańa
ómirdiń baspaldaqtarynan súrinbeı óte berýińdi tileımiz!

Mektep bitirýshilerge arnalǵan tilek
Mektepti, balam, bitirdiń,
Samǵatty qıal ǵaryshqa.

Qanaty arman qusynyń
Aparsyn seni alysqa.

Keshegi shákirt bala ediń,
Qaraısyń búgin jigit bop.

Sharlaǵan arman álemin,
Shyńdarǵa shyńnan bıiktep.

Otanyń sıpap mańdaıdan,
Aıamas senen jaqsysyn.

İzde, tap, qıyr — shalǵaıdan
Elińe qajet baq qusyn.

Asqarǵa qolyń soz balam,
Báıgege tús te, baq syna.

Namysqa tıer ozbaǵan,
Qol soǵar jurtyń jaqsyǵa.

Ǵylym qý, elge et eńbek,
Maman bol qajet bilikti
Óresi bıik eken dep,
Maqtaıdy jampoz jigitti.

Bilimdi basqa jastadyń,
Ǵylymdy izdep úńilip.

Ómirge sapar bastadyń,
Aldyńda kúlip tur úmit.

Ómirden endi dáris al,
Bilim men oıdy qosa ushtap,
Samǵaýǵa, balam, baryn sal,
Qanatyń bolsyn atestat.

Túsinip jón men jobany,
Er jetken jansyń jeteli.

Shyńdarda ǵana bolady,
Qyrannyń salǵan mekeni.

At jalyn tartyp min, inim,
Bilimniń ustap quryǵyn.

Jarqyraı túser uly kún,
Syılasań júrek jylýyn.

«On úshte otaý ıesi»,
jıyrma bes dese jón bólek.

Úlesińdi qos tıesi,
Erinbe, izden, eńbek et.

Kompúter seniń ǵasyryń,
Ǵylymnyń jetkin shegine.

Aqtarǵyn oıdyń asylyn,
Umtylyp ǵarysh kógine.

Namysyn kekke qaıraǵan,
Naızaǵaı syndy bol batyr.

Kóz tikken saǵan aınalań,
Aldynda asý jol jatyr.

Qanatyn qaǵar jyl jyldam,
Keledi erteń jańa urpaq.

Aýmaı bir tursań juldyzdan,
Qaraıdy jurtyń tańyrqap.

Biz júreıik sendermen baqytty bop
On bir jyl oqyp, mine, aıaqtadyń.

Ketesiń qanat qaǵyp, tarap báriń,
Tek áıteýir joldaryń ashyq bolsyn,
Kelmeıdi bul ómirden qarap qalǵyń.

Bireýi jýrnalıs bolam deıdi,
Bireýi ártis bop án salam deıdi.

Bireýi – aqyn, bireýi – dáriger bolyp,
Aýrýdyń ne túrin jazam deıdi.

Polıseı bop, qaterge baram deıdi.

Ustaz bolyp, mektepke qalam deıdi,
Bireýleri qaqa jaryp qara qyldy.

Bireýi sot – sýdıa bolam deıdi.

Sportshy bolýdy keremet dep,
Keıbiri ǵaryshkerdi ónege etpek,
Sáýletshi bolyp bireýi qurylysta,
Endi biri elshi bolyp shetel ketpek.

Báriń de armanmenen qanattandyń,
Úlken ómir jolyna al attaǵyn.

Biz júreıik sendermen baqytty bop,
Kózben kórip, báısheshek gúl atqanyn.

Qurmetti mektep bitirýshi túlek!

Siz úshin osynaý kún aıshyqty da, aıdyndy, merekeli de mereıli, tabysty da
tolǵamdy kúnge aınalyp otyr. Óıtkeni Siz dál osynaý kúni ózińizdiń qımas
bir mekenińizge aınalǵan, baldáýren shaqtyń balaýsa qyzyǵyn ótkizgen,
sóıtip boıyńyzǵa bilikti bilim men tálimdi tárbıe jınaǵan mektep
anańyzdan túlep ushqaly tursyz. Osydan sanaýly ǵana jyldar buryn siz osy
mekteptiń qasterli tabaldyryǵyn jasqana da júreksine attap, ózińizge
tálim berer alǵashqy ustazyńyzben júzdesip, bilim nárine bas qoıǵan
edińiz. Sodan beri aǵyn sýdaı jyljyǵan jyldar legi sizdiń órisińizdi
keńeıtti, boıyńyzdy qataıtty, topshyńyzdy bekitti. Siz úshin osynaý qımas
uıańyzda júrgen sátte, aldyńyzdan kún saıyn jańalyqtar legi ashyldy,
tanymyńyz tereńdeı tústi. Siz mektep partasynda otyryp, ustaz aýzynan
estilgen ár bir bilim jańalyǵynyń qabyldaýshysy bolyp qana qoıǵanyńyz
joq, siz osynaý sátterde ózińiz de mektebimizde ótkizilgen qanshama
ıgilikti sharalardyń belortasynda júrdińiz, jarqyn da maǵynaly isterdiń
janashyr kýágeri atandyńyz. Sizdiń boıyńyzǵa bilikti bilim men tálimdi
tárbıe egýdi ózimniń jaýapkershilik mindetim dep qana uǵatyn barlyq
ustazdaryńyz endi Sizdiń dál osyndaı bıikten kórine bilgenińizge
qýanady. Siz aldaǵy ómirińizde Abaı atamyz aıtqandaı: «bes nársege asyq,
bes nárseden qashyq» bola bilseńiz ǵana ózińizdiń ustazdaryńyz tógilgen
ter óteldi dep biledi. Siz úshin búgingi qaǵylar sońǵy qońyraý úni
baldáýren balalyǵyńyzdyń artta qalyp, jaýapkershiligi mol azamattyq
bıikke kóterilgendigińizdiń eskertpesi sıaqty. Sizge endigi sátte óz
ómir aıdynyńyzdy qalap alýǵa týra keledi. Osynaý kezeńderde ómir
kemeńizdiń jelkenin esh ýaqytta túsirmeý úshin, sizdiń boıyńyzdan bilim
men bilik, batyldyq tabylatynyna sengimiz keledi. Siz Elbasy armandaǵan
máńgilik bolashaqtyń búgingi jas qurylysshysy ekendigińizdi esh ýaqytta
esten shyǵarmańyz. Mektep bitirýshi túlektiń quttyqtaý sózi Qymbatty
ustazdar! Qurmetti mektep túlekteri! Qadirli ata — analar jáne kesh
qonaqtary! Ár kezde de mektep ómirinde ustaz úshin de, shákirt úshin de asa
qadirli kóriner, sonyń ishinde ustazdyń da, shákirttiń de kóńilin bosatyp,
jan — júıesin ıer, sóıtip bir beımaza tolqynysqa túsirip, kóńil qusyn
aspanǵa sharyqtatar sońǵy qońyraý saltanatynyń orny bólek ekendigi
daýsyz. Sońǵy qońyraý. Qarapaıym ǵana estiler osy bir sózde, shyndyǵyna
kelgende, qanshama tylsym da maǵynaly qudiret jatqandyǵyn ańdaǵan jan
ǵana túsiner. Óıtkeni bul bala shákirttiń dana uıasynan jez qońyraý únin
sońǵy ret estý sáti ǵoı. Solaı desek, sońǵy qońyraý balań túlektiń qımas
kóz jasy, solaı desek, sońǵy qońyraý talapty shákirttiń bolashaqqa degen
ińkár armany, ne degenmen de ol shákirttik ómirmen «qosh — qosh»

aıtqyzyp, azamat dep atalatyn aıbyndy arǵymaqty erttep mingizý. Qymbatty
meniń mektep bitirýshi qurby — qurdastarym! Minekı, biz úshin qońyraýdyń
sıqyrly da sazdy áýeni sońǵy ret án salmaq. Jáne ol án barlyǵymyzdy
sonymen birge ómir dep atalatyn alyp kúre joldyń tóskeıine shyǵaryp
salar. Bizdi qanshama jyl oqytyp, bilim bergen, tárbıe bergen aıaýly ana
mektebimiz ben qurmetti ustazdarymyz ishteı tilektestik bildirip, sát —
sapar tilep qalar. Bálkim, ustaz kóńil tolqyr jáne sol tolqynysty sátte
de bizdiń barlyǵymyzdyń aldaǵy ómir jolymyzǵa jaqsylyq, tek qana
jaqsylyqtar tiler. Qurmetti meniń qurbylarym, dostarym, minekı, sizderge
degen osynsha qurmettiń janynda jaýapkershilik dep atalatyn júgi qomaqty
nárse de qatar júrgenin baıqap otyrǵan shyǵarsyzdar. Qymbatty dostar! Men
sizderdi búgingi merekelerińizben shyn júrekten quttyqtaı otyryp, ómir
dep atalatyn alyp kúre jolda súrinbeýlerińizge, tek qana
súrinbeýlerińizge tilektespin. Taǵdyrlaryńyz juldyzdy bolyp, arman degen
asqar taýdyń bıiginen kórinińizder! Qadirli ustazdarymyz! Al biz sizder
bergen tárbıe men tálimdi ár ýaqytta umytpaımyz. Sizderden bólinip ystyq
uıadan ushqan sátte de, aıaýly mektebimizdiń atyna kir keltirip, daq
túsirmeýge, ár kezde de aqylshy serigimiz Ar dep atalatyn aıbyndy qasıet
bolaryna sizderdi sendirgimiz keledi. Biz sizderge árdaıym da myqty
densaýlyq, otbasylaryńyzǵa baqyt, eńbekterińizge jemis tileımiz. Barlyq
ýaqytta da shákirtterińizdiń ystyq yqylasyna bólenip júre berińizder!

Mereke merekege ulassyn! Qurmetti jas túlek! Sizdiń búgingi ómir
aıdynyna attanǵaly turǵan merekeli kúnińiz qutty bolsyn! Sizge tek qana
myqty densaýlyq, sátti sapar, mereıli maqsat tileımiz. Aspanyńyz ashyq
bolsyn! Mektep ákimshiligi jáne mektep ujymy
Túlekke ata — anasynyń alǵys tilegi.

Qurmetti ustazdar, túlekter jáne ata — analar, eń aldymen barlyǵyńyzdy
da búgingi merekeli kúnmen quttyqtap qoıýǵa ruqsat etińizder! Minekı,
araǵa jyldar legin salyp, keshe ǵana búldirshin bolyp mektep tabaldyryǵyn
attaǵan bizdiń ul — qyzdarymyzdy júırik ýaqyt túlek etip uıasynan
ushyrǵaly otyr. Mektep qashanda jaqsylyq pen izgiliktiń, parasattylyq pen
rýhanıatqa toly oıdyń, tanym men tárbıeli isterdiń ordasy bolǵan. Bizdiń
perzentterimiz de osynda ótkizgen oqýshylyq ómirlerinde osyndaı ulaǵatty
isterdiń ushqynyn boıyna sińirdi, tálimimen júregin sýardy, baıypty
baǵdaryn baǵyt etip ustandy, bilimı kókjıegin boıyna darytty. Biz ár
sát, ár jyldar saıyn olardyń boıyndaǵy osynaý ómirsheń ózgeristerdi
baıqap, olarmen birge qýandyq, birge maqtandyq. Endi olardy ózderiniń
asyl uıasy — mektebi túlek etip ushyrǵaly otyrǵan kúnniń de kýási
boldyq, boıymyzdy taǵy da ata — ana retinde maqtanysh sezimi kernep
otyr. Bul úshin mektep anaǵa myń alǵys! Qurmetti ustazdar! Bizdiń
boıymyzdaǵy óz perzentterimizdiń qýanyshynan týyndap otyrǵan sezimdi
Sizder jaqsy túsinesizder. Óıtkeni Sizder osydan sanaýly jyldar buryn
ǵana mektep esigin ashqan bizdiń kózimizdiń aǵy men qarasyndaı
perzentterimizdiń jaqyn adamyna aınala bilip edińizder. Biz sizderge
senim arttyq. Sizder ár kezde de bizdiń súıikti ul — qyzdarymyzdyń
bolashaǵyna bizben qatar alańdadyńyzdar, sol bolashaqtyń basty qarýy bolyp
tabylatyn bilim atty asyl kúshti olardyń boıyna búldirshin kezinen bastap
sińire bildińizder. Sizder tárbıe men ımanı qundylyqtarǵa negizdelmegen
bilimniń birjaqty dúnıe bop qalaryn jaqsy bilgen edińizder, sondyqtan da
olardyń boıyna únemi rýhanıat pen izgiliktiń, adamgershilik pen adam
bolmysyndaǵy eń asyl qasıet — ishki mádenıettiń shamshyraǵyn jaǵýǵa
asyqtyńyzdar. Olarǵa óz memleketi men qoǵamyn jáne de ǵasyrdan
ǵasyrlarǵa jalǵasarlyq baı mádenıet qalyptastyrǵan óz ultyn súıýdi,
qasıetti Táýelsizdigin qurmetteýdi úırete aldyńyzdar. Qurmetti ustazdar,
biz osy jolda Sizderge eshqashan da ońaı bolmaǵandyǵyn jaqsy túsinemiz.

Sizder osy bir qasıetti mindetti naq osy zamanǵy ólsheýsiz isterge toly,
búgingi jańalyǵy bir sát ýaqyt ótpeı — aq «eskirip» jatatyn XXI ǵasyr
qoǵamynda, jańa ǵasyr mektebinde eńbek etip, atqaryp otyrsyzdar.

Sizderge ózderińizden burynǵy zamannyń tamasha ustazdary qalyptastyryp
ketken laıyqty tájirıbelerdi úırene otyryp, ýaqyt aǵymyna jedel ilese
alý mindeti júkteldi. Sizder shynynda da tamasha dástúr jalǵastyǵyn saqtaı
bilip, zamanaýı bilimmen qarýlanýshylardyń óz qoǵamdaryńyzdaǵy alǵashqy
leginde bola aldyńyzdar, óz ǵasyryńyzdaǵy bilim berýdiń sony tásilderin
laıyqty túrde boıǵa jınaqtadyńyzdar. Sizderdiń osyndaı ushan — teńiz
eńbekterińiz ben tógilgen mańdaı terlerińiz bolashaqtyń qarlyǵashtary —
bizdiń súıikti perzentterimiz úshin atqarylǵandyǵyn biz jaqsy túsinemiz.

Osy úshin de Sizderge myń alǵys, Ustaz! Biz, búgingi ata — analar, bir
kezde ózimiz de shákirt boldyq. Ómir jolymyzdyń árbir sátinde bilim alǵan
ystyq uıamyz ben ardaqty ustazdarymyz týraly óz otbasymyzda otyryp,
árdaıym da syr ǵyp bólisken edik. Endi bizdiń balalarymyz da ózderiniń
ata — analary júrip ótken naq osy qasıetti de, dástúrli joldyń
jalǵastyrýshysy bolmaq. Olar da ózderiniń aldaǵy ómir jolynda osynaý
altyn uıasy men qadirli ustazdary jóninde san márte saǵynyshqa jáne
maqtanyshqa toly sezimmen esterine alatyn bolady. Biz osyǵan senemiz.

Qurmetti túlekter! Sender bizdiń balalarymyzsyńdar. Qazaqta «aınalaıyn»

degen qasıetti de maǵynaǵa toly jaqsy sóz bar. Osynaý ǵajaıyp sózdiń
ishinde adamı júrektiń barlyq izgiligi men meıirimi shúpildep tunyp
turǵandaı. Búgingi qýanyshty sátte de ózderińdi oqytqan Ana mektepteriń
óz shákirtterine — túlekterine dál osyndaı meıirimmen qarap turǵan
sekildi. Endi ol óziniń qasıetti qońyraýyn Sender úshin ǵana sońǵy ret
soqpaq. Bul — ózderiń úshin qaǵylar eń sońǵy mektep qońyraýy. Osy
sezimge laıyq bolyp ómir súrińder. Sát — sapar!