InfoHub Logo

Алматы қаласының Медеу ауданындағы бірқатар негізгі көшелерде жүргізіліп жатқан жол жөндеу жұмыстары қаланы тығырыққа тіреді. Бұл туралы жергілікті жүргізушілер әлеуметтік желілер мен навигациялық карталарда хабарлап, наразылықтарын білдіруде.

Бұл туралы Infohub.kz ақпарат агенттігі хабарлайды.

Көшелер жабылды

2GIS картасында Луганский, Омарова, Тәтімбет және Жамақаев көшелерінде «Жол жұмыстары» белгілерінің көбейгені байқалады. Бұл көшелердегі көлік қозғалысының шектелуі салдарынан, ағын көршілес ірі жолдарға, соның ішінде Достық, Назарбаев, Сейфуллин және Сәтпаев даңғылдарына ауысып, оларда да кептелістер пайда болды.

Жөндеу жұмыстары қашан аяқталады?

Көшелер газ құбырын желілерге қосу жұмыстарына байланысты жабылды. Әкімдіктің бұрынғы хабарлауынша, жұмыстар екі кезеңнен тұрады. Бірінші кезеңі 12-16 мамыр аралығында өтіп, Омарова көшесінің Тәтімбет көшесімен қиылысқан тұсында және Луганский көшесінің Армянская көшесінен Әл-Фараби даңғылындағы көпірге дейінгі учаскесінде қозғалыс шектелді. Ал Жамақаев көшесіндегі жұмыстар 17 мамырда аяқталады деп жоспарланған.