InfoHub Logo

Ақтаулық контрабандашылар тобының мүліктері мемлекетке өтті. Ұйымдасқан қылмыстық топтың қармағында болған «Meliana» танкері, «Mangystau Oil Refining» мұнай өңдеу зауыты және мыңдаған тонна жанармай енді мемлекет меншігінде.

Бұл туралы Infohub.kz ақпарат агенттігі хабарлайды.

Ұйымдасқан топтың әрекеті

2025 жылдың қазан айында Маңғыстау облысында Ақтау теңіз порты арқылы мұнайды заңсыз шығару ісі бойынша сот процесі аяқталды. Іс бойынша мұнай компанияларының бес өкілі сотталды. Олар ұйымдасқан қылмыстық топқа қатысып, мұнай өнімдерін ірі көлемде контрабанда жасады деп айыпталды.

Ақтаудағы ұйымдасқан қылмыстық топ 2022 жылы құрылған. Оның құрамында:

Олар мұнайды экспорттық шектеулер мен қосымша салықтарға жатпайтын «мазут» ретінде ресімдеген. Бұл үшін жалған құжаттар мен делдал фирмаларды пайдаланған. Шын мәнінде, олар Ақтау порты арқылы Әзірбайжанға бензин, дизель және басқа да өнімдер жасауға болатын қарапайым мұнайды жөнелткен. 2022-2023 жылдары «Meliana» танкері арқылы осылайша 2,1 мың тоннадан астам шикізат шығарылған.

Ұйымдасқан топтың инфрақұрылымы мемлекетке өтті

16 сәуірде мемлекеттік аукцион сайты арқылы «Meliana» танкері, «Mangystau Oil Refining» мұнай өңдеу зауыты және ондағы мұнай өнімдері сатылымға шығарылды. Осы мұнай инфрақұрылымының барлығы мемлекетке өткен. Зауыт жерімен, ғимараттарымен және жабдықтарымен қоса 6,8 миллиард теңгеге бағаланған.

1995 жылы Нидерландыда шығарылған «Meliana» танкері 1,6 миллиард теңгеге бағаланды. Ол Ақтау портында тұрақталған. Сонымен қатар, мемлекетке контрабандашылар сатуға үлгермеген мұнай өнімдері де тиесілі болды: бензинделген мұнай, дизель және мазут құны 724 миллион теңгеге бағаланды.

Мемлекетке келтірілген шығын

Қаржы сараптамасының есептеуінше, бір эпизодтың өзінде мемлекетке келтірілген шығын:

Сот ұйымдасқан топтың мемлекетке келтірген жалпы шығыны 1,16 миллиард теңгеден асқанын, ал бюджеттің қосымша 320 миллион салықты алмағанын анықтады. Ұйымдасқан топтың пайдасы жалған шоттар арқылы бөлінген.

Естеріңізге сала кетейік, үкім 2025 жылдың 26 қыркүйегінде жарияланды. Бес айыпталушы – Мелкумов, Қыстаубаев, Рамазанов, Райгородский және Кенжебеков – Қылмыстық кодекстің 262-бабының 2-бөлігі («Ұйымдасқан топқа қатысу») және 234-бабының 3-бөлігі, 2-тармағы («Ерекше ірі көлемде контрабанда жасау») бойынша кінәлі деп танылды.