Білім министрі мұғалімдерге берілетін қосымша төлемдер туралы айтты
Мұғалімдердің жалақысын 25 пайызға арттыру бойынша тиісті қаражат бюджет жобасында толығымен қарастырылды. Бұл туралы ҚР Білім және ғылым министрі Асхат Аймағамбетов мәлім етті.
«Президенттің мұғалімдердің жалақысын 2021 жылғы 1 қаңтардан бастап 25 пайызға арттыру тапсырмасы бойынша тиісті қаражат бюджет жобасында толығымен қарастырылды. Бұған қоса, Мемлекет басшысының тапсырмасы аясында қыркүйек айынан бастап дәптер тексеру үшін үстемақы екі есе, сынып жетекшілігі үшін алатын үстемақы екі есе артатын болады», — деді министр Үкімет отырысында.
Сонымен қатар ол магистр дәрежесі бар мұғалімдер 27 мың теңге сомасында жаңа үстемақы алатынын еске салды.
Айта кетейік, Мемлекет басшысы Қасым-Жомарт Тоқаев 2021 жылдың қаңтар айынан бастап мұғалімдердің еңбекақысын 25 пайызға көбейту жөнінде шешім қабылдады.
You Might Also Like
-
Білім беру онлайн платформаларына қойылатын бірыңғай талаптар әзірленеді. Бұл туралы ҚР Білім және ғылым министрі Асхат Аймағамбетов мәлім етті.
-
Таңғы самал жел сәл ғана салқын үн қатып тұрған қалпы тамырын Жер ананың түбіне терең жайған өрік ағашының жапырақтары сыбдыр етіп, алқызыл жемістері елең ете қалды. Тұп-тұнық көлдің мөлдір айдынын...
