Депутаттар газетке мәжбүрлеп жазғызуды доғаруды талап етті
Мұғалімдерді мемлекеттік газет-журналға жазылуға мәжбүрлеуді доғару керек. Депутаттар Ақпарат министрінен ұстаздардың жалақысынан ай сайын түрлі басылымдарға деп ақша ұстап қалуды тоқтатуды сұрады.
«Мемлекеттік қызметкерлерді, әсіресе, мұғалімдерді газет- журналдарға мәжбүрлеп жаздыру әлі жалғасып келеді. Отандық басылымдар осы жолмен күн көруді жалғастыра бере ме? Одан да газет-журналдар реформа жасап, сапасын арттырмай ма?», - дейді Мәжіліс депутаты Ирина Смирнова.
Депутаттардың айтуынша, әлі күнге дейін ұстаздар, дәрігерлер мен әкімдік қызметкерлері басшыларының бұйрығымен мемлекеттік газет-журналдарға еріктен тыс жазылып жүр. Бұл әсіресе аймақтарда ұзақ уақыттан бері жалғасып келе жатқан үрдіс. Ал мемлекеттік басылымдардың шығынына деп онсыз да жылда қазынадан қыруар қаржы бөлінеді. Мұғалімдердің өздері оқымайтын газеттерді амалсыз алып жүргенінен министр де хабардар екен. Сондықтан Дәурен Абаев басылымдардан жұртты мәжбүрлеудің орнына сапалы әрі қызық материалдар жазып, оқырман тартуды талап етпек.
КТК
You Might Also Like
-
Қазақстан Республикасы Тәуелсіздігінің 25 жылдығы мерекесі құрметіне орай «Тәуелсіз Қазақстан» пойызы 2016 жылғы 2 қарашада Қарағанды қаласынан жолға шықты. Қазақстан халқы Ассамб...
-
Бүгін үш тілді білім беру жүйесіне арналған xалықаралық семинарда ҚР Білім және ғылым министрі Ерлан Сағадиев шетелдік қонақтарға аталған бастаманы іске асыру жайында айтып берді.
