InfoHub Logo

Біліп айтқан сөзге құн жетпейді,
Тауып айтқан сөзге шын жетпейді
Өзің білмесең, білгендерден үйрен,
Үйренгеннен ештеңең кетпейді. (Әлібекұлы Төле би)

«Жас мамандарды ұстаздық шеберлікке баулу»

Мектепке келген жас маман көптеген қиындықтармен кездеседі. Оларға ұйымдастырушылық, коммуникативтік және басқа да қабілеттерді қамтитын практикалық тәжірибені игеруіне оперативті көмек көрсетілуі тиіс. Ұстаздық шеберлікке тәрбиелеу, қазіргі заман талаптарына сай жаңа сабаққа қойылатын талаптарды меңгеру мақсатында «Жас маман» атты зерттеу орталығы құрылды.
Ақсай қаласының №5 жалпы білім беретін орта мектебі жанында 2005 жылы «Жас мамандар мектебі» құрылып, арнаулы жоспар бойынша өз жұмысын жүргізіп келеді. Жас мамандар мектебінің мүшесіне 1 - 5 жылға дейін еңбек өтілі бар мұғалімдер және олардың тәлімгерлері кіреді.
«Жас мамандар мектебінің» негізгі мақсаты: жас мамандарға кәсіптік бағыт - бағдар беру, педагогикалық біліктіліктерін арттыру, методикалық және практикалық көмек көрсету арқылы оларды тәжірибелі ұстаздар қатарына қосу.
Жүргізіліп келген жұмысымыздан күтетін нәтиже:
1. Жас мамандар белсенділігі артады; тәжірибелері молаяды;
2. Жылдық іс – жоспары мен танымдық ізденістерін көрсете отырып әр маман өзінің кәсіптік деңгейіне сараптама жасайды;
3. Қазіргі заман талаптарына сай жаңа сабаққа қойылатын талаптарды меңгеріп шығады;
4. Әріптестерінің сыни көз қарастарын сараптап, алдыға жасайтын жұмыс жоспарларын бекітеді;
5. Білім көзі тек кітап, мұғалім ғана емес, жан - жақты ақпарат көздерін екенін түсінеді;
6. Мазмұнды жан - жақты, терең талдайды, салыстырады, өз пікірін дәлелдей алады;
7. Ұжымда ынтымақтастықпен, бірін – бірі құрметтеп, пікірлерін сыйлап, қадірлейді;
8. Мұғалім мен оқушы арасында демократиялық қарым - қатынас орнайды, ұстаз бен оқушының арасында сенім орнап, сыйластық артады.